JOHAN 21:16 - Bawm Common Language Bible Version

¹⁶ A veinihnâk ah, a sinah, “Simon, Johan fapa, nangnih kei na ka dâwt ma?” a ti nawlh. Anih nih chun a sinah, “I, Lalpa, ka nan dâwt ti na theih,” a ti nawlh. Jisu nih chun a sinah, “Ka dawrâ tla zauhkhenh rawh,” a ti.

JOHAN 21:16 ပူးပေါင်းရင်းမြစ်များ

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 95:7

Amah chu kan Pathian asi; kannih chu amah zauhkhenh mi tla, a ranrual a châwm na mi chu kan si. Tusûn ah a sim mi chu ngâi rawh:

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

MATHAI 25:32

Chun, a mâika ah phun kip anna pûm lai le, dawrâ vêngtu nih kêl lakah mi dawrâ a thlei hâwi hen annih tla chu a thlei lai.

MATHAI 26:72

Chun, “Chu minung chu ka theih loh,” ti hen siatsirh hen a pheh nawlh.

LUK 19:10

Tlâu leh vei hâwl leh ruangsuah ding hen Minung Fapa hi a hawng kal ngen asi,’ a ti.

JOHAN 18:17

Chun, inkhâr vêngtu nungâk nih chun Peter sinah, “Nang khawm hi minung ṭhiruai tla lakah tel bâk na si mu?” a ti. Anih nih chun, “Ka si lo,” a ti.

JOHAN 18:25

Chun, Simon Peter nih dîr bû hen mei â aih. Chun, “Nang khawm a ṭhiruai lakah tel bâk na si mu?” an ti. Peter lam nih chun, “Ka si lo,” ti hen â pheh.

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.