JOHAN 21:15 - Bawm Common Language Bible Version

¹⁵ Chun, zîngbuh an ei thluh ah, Jisu nih Simon Peter sinah chun, “Simon, Johan fapa, hi bang tla ngâk hen nangnih kei na ka dâwt dauh ma?” a ti. Anih nih chun a sinah, “I, Lalpa, ka nan dâwt ti na theih,” a ti. Jisu nih chun a sinah, “Ka dawrâ fa tla zauhkhenh rawh,” a ti.

JOHAN 21:15 ပူးပေါင်းရင်းမြစ်များ

GENESIS 33:13

Jakob nih a sâng le, “Ngâksia tla hi an chak lo zia leh dawrâ leh ranrual leh an fa tla kilkâwi an herh zia khawm na theih ko; tâwm khulrang hen kan khalh na asi chun ni khat ko khawm an thi ver lai.

2 SAMUEL 7:20

Na sinah thusim ding dang zei me ka nei lai rawh! Na to-aw chu na ka theih asi.

2 Lal 20:3

“LALPA, zumhkâi tak hen leh ṭih tak hen na rian ka ṭuan le, ti ding hen na ka duh mi lakah chun ti ngelchel ding hen ka tum kumza mi kha theihkumza rawh,” a ti. Chun ngaihsia tak hen a ṭap rawh.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

JEREMIA 23:4

Anmah zauhkhenhtu ding hen lâirêltu tla ka ruat lai. Ka mi tla chu an ningṭih hen an lâu lai lo rawh le, rêp khawm ka rêp nawlh na lai lo rawh. Kei, LALPA nih ka sim asi,” a ti.

JEREMIA 3:15

Ka lakah ê-aw ngâi mi lâirêltu tla ka nan pêk na lai le, finghnâk leh theihthiamnâk hen lâi an rêl piak na lai.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

EZEKIEL 46:24

Chu minung nih chun, “Hi bang tla hi mi nih bâwlnâk an ap mi Biakin rianṭuantu tla buh-an suangnâk in asi,” ti hen hawng ka simh.

MATHAI 10:37

“Âuzawng a nu mawh a pa mawh keimah ngâk hen dâwt dauhtu chu ka mi si tlâk asi lo. Âuzawng a fanu mawh a fapa mawh keimah ngâk hen dâwt dauhtu khawm chu ka mi si tlâk asi lo.

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

MATHAI 26:33

Peter lam nih chun a sinah, “An ektê hen an kaltâk khawmsele, kei lam chu ka nan kaltâk rîlmâl lai lo,” ti hen a sâng.

MATHAI 26:35

Peter nih a sinah, “Na thihnâk ah chun thi bâk awt khawmsele ka nan pheh rîlmâl lai lo,” a ti. Chu hâwi hen ṭhiruai tla zawzawng nih chun an ti chiau.

MARK 14:29

Peter lam nih chun a sinah, “An ektê hen an tektâk khawm sele, kei lam chu ka nan tektâk lai loh,” a ti.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

JOHAN 13:37

Peter nih a sinah, “Lalpa, zei rangah tu khawm ah ka nan zûl kho awtlo zia? Nangmah ruangah ka nungnâk ka pêk lai,” a ti.

JOHAN 16:27

Pa ngelchel nih a nan dâwt na; nannih nih kei nan hawng ka dâwt le, Pa thawk hen suak kasi ti nan hawng ka lung ruangah.

JOHAN 21:12

Jisu nih an sinah, “Zîngbuh ei u,” a ti. Chun, ṭhiruai tla lakah âukhawm nih a sinah, “Âu me na si?” ti hen an deih ngam lo, Lalpa asi ti an theih.

JOHAN 21:7

Chuvachun, ṭhiruai, Jisu nih a dâwt mi nih khan, Peter sinah, “Lalpa asi,” a ti. Chuvachun, Lalpa asi ti Simon Peter nih a theih kâ hen, a kawrdawh â menh le, takkaro hen um asi ruangah, rilî ah â khâwk rawh.

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 20:29

Ka kal nûnah chingngia râng tla nan lakah a hawng lût lai le, murui tla an zuah lai loh ti ka theih.

ROM 14:1

Chun, lungnâk ah chak lo mi chu a zumhmaihnâk tla simsâwi lo hen lawmh u.

ROM 15:1

Chun, kannih lungnâk ah mi chak tla nih hin mah lawmhnâk hâwl lo hen, mi chak lo tla ṭangpi leh ritphurh sâwng na ding asi.

1 KORIN 8:11

Chun, na theihnâk ruang chun mi chak lo, unau a thih ruangrûl ah Krist nih a thih piak mi chu a vei awt asi.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 JOHAN 4:19

Pathian nih a hawng kan zângfah masa ruangah kan zângfah asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.