JOHAN 20:9 - Bawm Common Language Bible Version

⁹ Mithi lakah mi a thawknawlh ding asi ti Pathian lasui thu kha an theih lo rih ruangah.

JOHAN 20:9 ပူးပေါင်းရင်းမြစ်များ

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

SAM 22:15

Ka rawm chu valeidip hâwi hen a châr le, ka lei khawm ka dang ah â bêk ving. Phildip nâwngah thi ding hen na ka mâk.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

MATHAI 22:29

Jisu nih an sinah, “Pathian lasui thu leh Pathian thiltikhonâk nan theih lo ruangah nan ngaihpalh tâwn asi.

LUK 24:26

Mesia nih chubang thil chu tuar hen a rokualnâk ah a lût ding rêng asi lo mazei?” a ti.

LUK 9:45

Sikhawmsele, a thusim chu a ngaihtawnh dân an thiam lo le, a thu umzia an theih lonâk ding hen an sinah thawk hen â thup asi; chu thusim thâwngthâng chu amah tâ nih an deih ngam lo.

JOHAN 2:22

Churuangah, mithi lakah mi a thawknawlh liauah hi hi a sim ti a ṭhiruai tla nih an theih nawlh rawh le; chun, Pathian lasui thu leh Jisu thusim chu an lung rawh.

THILTI 17:3

leh Mesia chu hamhnâk tuar ding rerêng a sizia tla mithi lak mi thawk nawlh ding a sizia tla chu a simhfiang le, a langhtir tâwn. “Hi Mesia a thu ka nan simh na mi hi, amah hi Krist chu asi,” a ti tâwn.

THILTI 2:24

Kha minung kha Pathian nih thihnâk phuar tla chu a sût piak le, a thawh rawh; amah chu thihnâk nih tleih pawt kho asi lo ruangah.

1 KORIN 15:4

an vûi le, Pathian lasui thu hâwi vima hen ni thum ni ah thawh hen a um, Peter sinah a hawng a langh kha.