JOHAN 20:26 - Bawm Common Language Bible Version

²⁶ Chun, ni riat nûnah, a ṭhiruai tla chu in sungah an um nawlh le, Thom khawm an sinah a um bâk. Jisu a hawng kal le, inkhâr tla chu khâr asi le, an lakah a hawng dîr rawh le, an sinah, “Nan tlûnah lungngamnâk um seh,” a ti.

JOHAN 20:26 ပူးပေါင်းရင်းမြစ်များ

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 54:10

Tlâng sâng leh tlâng tênâu tla chu â râwk kho. Sikhawmsele ka nan dâwtnâk chu zeiliau khawm a dawng lai lo; thlangamnâk ka thutiam chu ka theihkumza lai,” a ti. Churuangah LALPA a nan dâwttu nih a sim asi.

MATHAI 17:1

Chun, ni ruk nûnah chun, Jisu nih Peter, Jem leh a unau Johan tla chu a kalpi na le, a dang hen tlâng sâng takah a kâipi na.

MARK 16:14

Chun, chu nûn khawm ah chun, buh an dûm liauah leikhat tla sinah tak â langh le, a thawknawlh nûnah a muhtu tla thu chu an lung lo ruangah leh an thinlung chang leikâng thu ah a fâi na rawh.

LUK 24:36

Chun, chubang thu chu an sim liauah chun amah ngelchel chu anmah lakah a hawng dîr le, an sinah, “Nan tlûnah lungngamhnâk um seh,” a ti.

LUK 9:28

Chun, chubang thusim thawk hen ni riat ding ah mawh, Jisu nih Peter, Johan leh Jem chu a kalpi na le, thlacham ding hen tlâng ah an kal.

JOHAN 11:16

Chun, Thom, (Phîr an ti mi) nih chun, a ṭhiruai hâwi tla sinah, “A thihnâk ah thi bâk ding hen kan kal lai,” a ti.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 21:1

Chu nûnah chun, Tiberia Rilî ah Jisu chu a ṭhiruai tla sinah â langh nawlh le; hi hâwi hen â langh.

JOHAN 21:14

Chu chu Jisu mithi lakah mi a thawknawlh nûnah, a ṭhiruai tla sinah â langh veithumnâk asi.

THILTI 1:3

Chu mifial tla sinah chun hamhnâk chu a tuar nûnah theihtirnâk tam tak leh nung hen â zauhtir le, ni sâwmli tiang an sinah â langh le, Pathian Ram thu a sim tâwn.