JOHAN 20:22 - Bawm Common Language Bible Version

²² Chun, chubang thu chu a sim thluh ah chun an tlûnah a thâw a suah le, an sinah, “Thlarau Thenhlimh nei u.

JOHAN 20:22 ပူးပေါင်းရင်းမြစ်များ

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

JOB LASUIBU 33:4

Pathian thlarau nih hawng ka siam hen, nungnâk hawng ka pêk.

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

EZEKIEL 37:9

Pathian nih ka sinah, “Thikho mi minung, thli sinah thu sim. Munkip ah mi thli chu LALPA thupêk hen hawng hen hi bang mithi tla sungah thaw khumh ding leh nungtir nawlh na ding hen simh,” a ti.

JOHAN 14:16

Chun, Pa ka deih lai le, anih nih chun ṭangpitu dang a nan pêk na lai, zungzâl hen nan sinah um ding hen;

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

JOHAN 16:7

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 20:23

Âu sual zawng nan ngaihdam mi vial chu ngaihdam asi lai; âu sual zawng nan ngaihdam lo mi vial chu ngaihdam lo asi lai,” a ti.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

THILTI 10:47

Chun, Peter nih a sawnh na le, “Hi bang mi tla, kanmah hâwi hen Thlarau Thenhlimh tawng bâk mi tla hi baptis an si lonâk ding hen tî mang ding an khap kho mazei?” a ti.

THILTI 19:2

Chun, anih nih chun an sinah, “Nan lung tîr liau khan Thlarau Thenhlimh nan tawng ma?” a ti. Chun, annih nih chun a sinah, “Tawng lo, Thlarau Thenhlimh a um ti rerêng khawm theih khawm kan theih loh,” an ti.

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

THILTI 4:8

Chun, Peter chu Thlarau Thenhlimh hen a khat le, an sinah, “Mi zawzawng hotu tla, upa tla:

THILTI 8:15

Annih chu an tlung rawh chun Thlarau Thenhlimh an tawng khonâk ding hen thla an cham piak na.

GALATIA 3:2

Hi cho hi nanmah thawk hen theih ka duh, Dân thilti ruangah ma Thlarau nan tawng, nan ngâi hen nan lung ruangah ma?