JOHAN 20:17 - Bawm Common Language Bible Version

¹⁷ Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 20:17 ပူးပေါင်းရင်းမြစ်များ

2 Lal 4:29

Elisa chu Gehazi leiah â hawi le, “Khulrang hen ka ṭhianṭhunh kha put le va kal, lampi ah minung na tawng khawm ah chibai bûk ding hen a dîn lah le, mi âutal nih chibai an bûk khawmsele leh na sâng ding hen a dîn lah, in leiah kal phêt le, ṭhianṭhunh hi ngâksia tlûnah thâng,” a ti.

2 Lal 7:9

Churawhchun, anmah leh anmah anna sâwn le, “Hi hâwi kan ti ding asi lo! Thâwngthâng ṭha tak kan nei mi hi pheh ding asi loh, thâizîng tiang kan um ko chun rêp kan tawng ngelchel lai, kan kal reh lai le, lal rianṭuantu tla kan simh na lai,” an ti.

SAM 22:22

Na thilti chu ka mi le tla ka simh na lai, anna pumhnâk tla ah ka nan sawr lai.

SAM 43:4

Pathian, nang chu ka lâwptlonâk phûr na si, na mâichâm leiah ka hawng lai. Pathian, ka Pathian, ka ṭingṭang ka tum lai le, nangmah sawrnâk la ka sak lai.

SAM 48:14

“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

SAM 89:26

‘Nang chu ka Pathian leh ka pa na si, hawng ka vêngtu leh ka ruangsuahtu na si,’ a ka ti lai.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

JEREMIA 32:38

Annih chu ka mi tla an si lai le, Kei, an Pathian kasi lai.

EZEKIEL 36:28

Chu tikah nan thlâktu tla ka pêk na mi ram ah nan um lai rawh. Nannih chu ka mi le nan si lai le, kei, nan Pathian kasi lai rawh.

EZEKIEL 37:27

Chunah an sinah ka um lai; an Pathian kasi lai le, annih chu ka mi tla an si lai.

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 28:7

Chun, kal rereh ule, a ṭhiruai tla sinah, ‘Mithi lakah mi a thawknawlh rawh asi; chun Galili ram ah nan mâi leiah a kal; chunah chun amah chu nan muh lai, ti hen, simh na u. Ngâinik u, ka nan simh na rawh hi,” a ti.

MARK 12:26

Chun, mithi tla thawh hen an um ding thu chu-- Mosi lasuibu ah, Thingbû thu ah khan Pathian nih, ‘Kei Abraham Pathian, Isak Pathian, Jakob Pathian kasi,’ ti hen, a sawnh zia kha nan rêl lo mazei?

MARK 16:19

Chuvachun, Lalpa Jisu chu an sinah thu a sim thluh rawh chun vân leiah lâk hen a um le, Pathian vawrhlei ah a to rawh.

LUK 10:4

Tangka sâwngkhâwi, zâl, pheikawk tla put lah u; chun, lampi ah âukhawm chibai bûk lah u.

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 13:3

Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 14:2

Ka Pa in ah umnâk tam tak a um le; nan rangah mun siam hen ka kal awt hi. Chu hâwi hen um lah sele, ka nan simh na lai lo mazei?

JOHAN 14:28

‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 16:28

Kei Pa sin thawk a hawng suak hen, laikulh ah hawng kal kasi; laikulh kaltâk hen, Pa sinah kal nawlh ding kasi,” a ti.

JOHAN 17:11

Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

JOHAN 7:33

Chun, Jisu nih, “Sâwtlotê nan sinah ka um lai rih le, hawng ka fialtu sinah ka kal lai.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

GALATIA 3:26

Krist Jisu lung ruangah Pathian fa tla nan si ver.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.