JOHAN 2:22 - Bawm Common Language Bible Version

²² Churuangah, mithi lakah mi a thawknawlh liauah hi hi a sim ti a ṭhiruai tla nih an theih nawlh rawh le; chun, Pathian lasui thu leh Jisu thusim chu an lung rawh.

JOHAN 2:22 ပူးပေါင်းရင်းမြစ်များ

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

LUK 24:26

Mesia nih chubang thil chu tuar hen a rokualnâk ah a lût ding rêng asi lo mazei?” a ti.

LUK 24:44

Chun, an sinah, “Hi hi ka thu kha asi, Mosi Dân ah, khuavâng lasuibu ah leh Sawrnâk labu tla ah ka thâwngthâng rîn mi vial a hawng tlung ding zia nan sinah ka um liauah ka nan simh tâwn na kha,” a ti.

JOHAN 12:16

Chubang chu a tîr chun a ṭhiruai tla nih an theih lo le; sikhawmsele, Jisu chawnglawmh hen a um nûnah chun a thâwngthâng lakah chubang thu chu rîn asi ti leh a tlûnah chubang thil chu an hawng ti asi ti an hawng theih rawh.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:4

Hi bang thu hi nan sinah ka sim rawh hi, a tik chu a hawng tlung tikah, kan simh na rawh ti nan theih khonâk ding hen. “Chubang thil chu a tîr thawk hen kan simh na lo, nan sinah ka um rih ruangah.

JOHAN 2:11

Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

JOHAN 2:17

“Na in ah ka semsê ngaihnâk nih hawng ka ei hep lai,” ti rîn asi ti a ṭhiruai tla nih an theih nawlh rawh.

JOHAN 2:2

Jisu leh a ṭhiruai tla khawm umhnâk ah an sâwm na,

THILTI 11:16

Chun, Lalpa thu, ‘Johan nih tî hen mi a baptis tâwn kha; sikhawmsele, nannih lam chu Thlarau Thenhlimh hen baptis nan si lai,’ a ti zia kha ka hawng theih nawlh rawh.