JOHAN 2:19 - Bawm Common Language Bible Version

¹⁹ Jisu nih an sinah, “Hi Pathian Biakin hi râwk ule, ni thum karah ka dirh nawlh lai,” a ti le, a sâng.

JOHAN 2:19 ပူးပေါင်းရင်းမြစ်များ

MATHAI 12:40

Jona chu ni thum leh zân thum ngapi paw sungah a um hâwi khan Minung Fapa hi ni thum leh zân thum tual sungah a um bâk awt asi.

MATHAI 16:21

Chu ri rawh chun, Jisu nih Jerusalem ah a kal ding tla, upa tla, bâwlpu lal tla leh Dân sîntirtu tla lakah thil tam tak a tuar ding zia tla, thah hen a um ding zia tla, ni thum ni ah thawk hen a um ding zia tla chu a ṭhiruai tla theihtir a dawmh rawh.

MATHAI 27:40

“Nang, Pathian Biakin siat hen ni thum ah sak nawlhtu, a hum rawh; Pathian Fapa na si chun kraws thawk hen hawng ṭum ko me,” ti hen an sîrleih.

MATHAI 27:63

“Ka pu, chu perpettu nih chun a dam liauah khan, ‘Ni thum nûnah ka thawknawlh lai,’ a ti mi kan theih ko.

MARK 14:58

“Hi minung nih hin, ‘Hi Pathian Biakin hi ka siat lai le, ni thum karah biakin dang, kut hen sak lo mi, ka sak lai,’ a ti, ti kan theih,” an ti.

MARK 15:29

Chun, mi anna vel mi kip nih an lû lei bû hen, “I hi! Nang Pathian Biakin siat hen ni thum ah sak nawlhtu, a damh le,

MARK 8:31

Chun, Minung Fapa nih chun thil tam tak a tuar ding mi leh upa tla, bâwlpu lal tla, Dân sîntirtu tla duh lo hen a um ding mi tla, thah hen a um ding mi tla, ni thum ni ah a thawknawlh ding mi tla chu a sîntir na rawh.

JOHAN 11:25

Jisu nih a sinah, “Kei hi thawknawlhnâk leh nungnâk chu kasi, âuzawng hawng ka zumhtu chu thi khawmsele a nung kumza lai;

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

THILTI 2:24

Kha minung kha Pathian nih thihnâk phuar tla chu a sût piak le, a thawh rawh; amah chu thihnâk nih tleih pawt kho asi lo ruangah.

THILTI 2:32

Jisu chu Pathian nih a thawh nawlh asi, chu chu a theihtu kan ektê hen kan si ver asi.

THILTI 3:15

Chun, Nungnâk Siamtu chu nan thah asi. Sikhawmsele, Pathian nih anih chu mithi lakah mi a thawh nawlh-- chu chu a theihtu tla kan si.

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.

THILTI 6:14

Nazaret Jisu nih hin hi Pathian Biakin hi a siat lai le, Mosi nih Dân hawng kan pêk mi tla a dangtir awt ti a sim mi kan theih,” an ti.

ROM 4:24

Jisu kan Lalpa mithi lakah mi thawhtu chu lungtu kan si le, kan lungnâk chu repnâk ah ruat asi awt.

ROM 6:4

Churuangah, a thihnâk ah baptis kan si chun a sinah phûm bâk hen kan um; Pa rokualnâk nih mithi lakah mi Krist a thawh hâwi hen khan, kannih khawm nungnâk thar a kan um khonâk ding hen.

ROM 8:11

Sikhawmsele, mithi lakah mi Jisu thawhnawlhtu thlarau chu nanmah lakah a um chun, mithi lakah mi Krist Jisu thawhnawlhtu nih khan nanmah lakah um mi Thlarau ruangah chun, nan taksa thi kho tla chu a nungtir lai.

1 KORIN 15:12

Chun, Krist thu, mithi lakah mi thawh hen a um ti an sim ṭung chun zeitin zia me nan lakah zeimaw mi nih, “Mithi thawknawlhnâk rerêng a um lo nan ti ne?

KOLOSA 2:12

baptisnâk ah khan a sinah phûm nan si bâk rawh le, chu lak ber ah chun mithi lakah mi amah thawhtu Pathian rianṭuan lung ruangah a sinah thawh nan si bâk kha.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.