JOHAN 2:16 - Bawm Common Language Bible Version

¹⁶ Chun, vaṭhu zuartu tla sinah chun, “Hi bang tla hi kalpi u, ka Pa in sawlehnâk in ah mang lah u,” a ti.

JOHAN 2:16 ပူးပေါင်းရင်းမြစ်များ

JEREMIA 7:11

Ka Biakin chu rawkmang tla thupnâk ah ma na ruat? Nan thilti tla chu ka muh asi.

MATHAI 21:12

Chun, Jisu chu Pathian Biakin ah a lût le, biakin ah zeilo zuartu tla leh châwktu tla chu a nar na le, tangka thlengtu dawhkân tla leh vaṭhu zuartu tla tophah tla khawm chu a thlûk piak ver na le;

MATHAI 21:13

an sinah, “ ‘Ka in chu thlachamnâk in an ti lai,’ ti rîn asi; nannih lam nih chun rawkmang tla pûk ah nan siam dauh tâwn asi,” a ti.

MATHAI 22:5

Sikhawmsele, zeikhawm an siar piak lo le, an kal ving, pakhat chu a lo ah a kal le, pakhat chu a sawlehnâk ah;

MARK 11:17

Chun, an sinah chun, “ ‘Ka in chu phun kip rangah thlachamnâk in an ti lai,’ ti rîn asi lo mazei? Nannih lam nih chun rawkmang tla pûk ah nan siam,” ti hen, a sîntir na rawh.

LUK 2:49

Chun, anih nih chun an sinah, “Zei rangah nan ka hâwl? Ka Pa in ah ka um ding asi ti nan theih lo mazei?” a ti.

JOHAN 10:29

Annih hawng ka pêktu ka Pa chu, mi zawzawng ngâk hen a rokual chem asi: âukhawm nih Pa thiltikhonâk ah mi chu an suh kho lai loh.

JOHAN 2:15

Chun, rirual hen vuaknâk a siam le, dawrâ leh châw an ektê hen Pathian Biakin thawk hen a nar na le; tangka thlengtu tla tangka chu a bungh le, an dawhkân tla a thlûk piak na.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 5:17

Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

JOHAN 8:49

Jisu nih, “Khuri nei kasi lo; ka Pa ka chawnglawmh asi dauh, nannih nih chun nan hawng ka chawnglawmh lo.

1 TIMOTHE 6:5

chu hâwi êlrât mi tla chu thinlung ṭhalo nei leh thudik nei lo mi Pathian sunhsak hi dingchangnâk mawh titu an si.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.