JOHAN 2:11 - Bawm Common Language Bible Version

¹¹ Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

JOHAN 2:11 ပူးပေါင်းရင်းမြစ်များ

1 Lal 17:24

Anih nih a sâng le, “Tuah chun Pathian minung tak na si zia leh LALPA nih nangmah mang hen thu a sim asi ti ka theih rawh,” a ti.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 96:3

Mi zawzawng sinah a chaknâk thilti chu phun tla sinah a rokual zia phuang u.

EXODUS 14:31

Israel tla nih thiltikhonâk fâk tak hen LALPA nih Aigupta mi tla a neh na mi chu an muh le, LALPA chu an ṭih rawh; LALPA leh a to-aw Mosi chu an zumh rawh.

EXODUS 4:9

Thilchê panih lakah an lunglo nget rih hen na thusim khawm an pawm lo nget rih asi chun, Nile tiva mi ti lâk le, thlêt. Tî chu thisen ah â chang ko lai” a ti.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 1:43

Chun, a thâituan ah chun Jisu chu Galili ah kal a tum le, Philip a muh le, a sinah, ‘Hawng ka zûl rawh,” a ti.

JOHAN 1:50

Jisu nih a sinah, “Theipi phûr ah ka nan muh, na sinah ka nan ti ruangah na lung mu? Hi ngâk hen thil rokual dauh hi na muh lai,” a ti le, a sâng,

JOHAN 10:41

Chun, mi cherkhet a sinah an hawng kal le, “Johan nih thilchê zeikhawm chu a ti lo le; sikhawmsele Johan nih hi minung thu a sim mi zawzawng kha a dik ma hi,” an ti.

JOHAN 11:15

Chun ah ka umlo mi chu nanmah rangah kan lawmh piak na asi, nan lung khonâk ding hen; sikhawmsele, a sinah kan kal lai,” a ti.

JOHAN 11:47

Chuvachun, bâwlpu lal tla leh Farisai tla nih chun lâirêltu tla an pumh na le, “Zeitin se kan ti lai? Hi minung nih hin thilchê a ti asi.

JOHAN 12:18

Churuang chun asi, mi zapi tla khawm nih chun an va dawng mi chu, chu thilchê chu a ti asi ti an theih ruangah.

JOHAN 12:37

An mâika ah chu hâwi thilchê cherkhet ti khawmsele amah an zumh lo:

JOHAN 12:41

Isai nih a rokualnâk a muh le, a thâwngthâng a sim ruangah chubang thu chu a sim asi.

JOHAN 14:13

Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

JOHAN 16:27

Pa ngelchel nih a nan dâwt na; nannih nih kei nan hawng ka dâwt le, Pa thawk hen suak kasi ti nan hawng ka lung ruangah.

JOHAN 16:30

Nangnih zeizawng na theih le, âukhawm nih an deih a herh lo ti tuah kan theih rawh; hi ruang hin Pathian sinah mi hawng suak na si ti kan lung,” an ti.

JOHAN 2:1

Ni thum ni ah, Galili ram ah Kana ah umhnâk a um le, chunah chun Jisu nu a um,

JOHAN 2:23

Chun, Kalkanh Kût ah, Jerusalem ah a um liau chun a singsiahnâk ti tla an muh le, mi tam tak nih a min an zumh rawh.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 4:3

Judai ram chu a kaltâk le, Galili ram ah a kîr nawlh rawh.

JOHAN 4:46

Chun, Galili ram ah Kana ah tî uain a changtirnâk kha a hawng tleng nawlh. Chun, Sorkar rianṭuantu âumawh a um le, a fapa Kapernaum ah a damlo.

JOHAN 4:54

Chu chu Jisu nih a thilchê ti Judai ram thawk hen Galili ram ah a hawng kal liauah a ti veinihnâk chu asi.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 6:14

Chun, mi zapi nih chun singsiahnâk chu an muh ka hen, “Hi minung hi, Khuavâng laikulh ah a hawng kal ding chu asi tatak mahi!” an ti.

JOHAN 6:2

Chun, damlo tla tlûnah singsiahnâk a ti mi tla chu an muh ruangah mi zapi tam tak nih amah an zûl.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

JOHAN 6:30

Chun, annih nih chun a sinah, “Singsiahnâk zeime na ti lai, kan muh hen kan nan lung khonâk ding hen? Zei thil me na ti lai?

JOHAN 7:31

Mi zapi lakah tam tak lam nih chun anih chu an zumh le, “Mesia chu a hawng tikah hi minung ngâk hen tam dauh singsiahnâk a hawng ti lai mazei?” an ti.

JOHAN 9:16

Chun, Farisai tla zeimaw mi nih, “Chu minung chu Dinhni a khunhriah lo ruangah, Pathian sinah thawk hen suak asi lai loh,” an ti. Zeimaw mi lam nih chun, “Misual nih hi hâwi thilchê zeitin a ti kho lai?” an ti. Chun, anmah lakah ṭhennâk a hawng um rawh.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

DEUTERONOMY 5:24

‘Mei thawk hen thu a sim mi kan theih liauah LALPA kan Pathian nih a rokualnâk hawng kan muhtir! Tu chun Pathian nih minung a sawnh khawmsele a thi lêm lo ti kan theih.

1 JOHAN 5:13

Zungzâl nungnâk nan nei ti nan theih khonâk ding hen, nannih Pathian Fapa min lungtu tla sinah hi bang thu hi ka rîn asi.