JOHAN 19:31 - Bawm Common Language Bible Version

³¹ Timhtuah ni asi rawh. Churuang chun Juda tla nih Pilat sinah khenh hen um mi kê tla khiak ding hen leh an ruak tla kalpi ding hen an deih. Chu chu Dinhni ah kraws ah an um ko lonâk ding hen asi, Dinhni chu ni rokual tak asi ruangah.

JOHAN 19:31 ပူးပေါင်းရင်းမြစ်များ

EXODUS 12:16

A ni khat ni leh a ni sarih ni ah Pathian sawnhnâk tawngpumhnâk nei u: chu ni ah chun âukhawm rianṭuan ding asi lo, buh-an lam chu nan timhtuah kho lai.

THUFING LASUIBU 12:10

Mi ṭha nih a ran a zauhkhenh le, sikhawmsele misual nih a thilneih zeikhawm a siarlo.

MIKAH 3:3

Ka mi tla nan ei hep le, an vûn nan lîk na le, an ruh tla nan khiak piak na le, an sa tla bêl sungah suang ding mi hâwi hen nan chan dip.

MATHAI 27:62

Chun, a thâituan ah chun chu chu Timhtuah ni nûnah bâwlpu lal tla leh Farisai tla chu Pilat sinah an hawng a pûm.

MARK 15:42

Chun, zânleibâi a hawng si rawh chun Timhtuah ni asi ruangah, chu chu Dinhni lânah mi ni hi asi.

JOHAN 19:1

Chun, chu liau chun Pilat nih Jisu a kalpi le, a vuak.

JOHAN 19:14

Chun, chu ni chu Kalkanh Kût Timhtuah ni asi le, nî sunh liau ding asi. Chun, anih nih chun Juda tla sinah, “Zauhnik u, nan Lalchem hi!” a ti.

JOHAN 19:42

Chun, Juda tla Timhtuah ni asi ruangah, thlân chu an kiang ko asi le, chunah chun Jisu an vûi rawh.

JOSUA 8:29

Ai khua lalchem chu thing pâr ah a thlâi le, zânlei tiang a ruak chu an siah thlap. Josua nih nî tlâk nûnah a ruak chu lâk hen khuapi lûtnâk kawtkâ ram ah lawnh thlap ding hen thu a pêk na. A tlûnah lung cherkhet an pawng le, tusûn ni tiang hen a um ko.