JOHAN 19:30 - Bawm Common Language Bible Version

³⁰ Chun, Jisu nih uain thur chu a tem thluh rawh chun, “Â lîm rawh,” a ti. Chun, a lû a kûn le, a nukrî a chat rawh.

JOHAN 19:30 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 22:15

Ka rawm chu valeidip hâwi hen a châr le, ka lei khawm ka dang ah â bêk ving. Phildip nâwngah thi ding hen na ka mâk.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MATHAI 27:50

Chun, Jisu chu hâu fâk tak hen a âu nawlh le, a nûkrî a chat rawh.

MATHAI 3:15

Sikhawmsele, Jisu nih a sinah, “Tu ah rem ti râm rawh, hi hâwi hen Pathian nih a herh a ti mi vial ti hi kan rangah a ṭha asi,” ti hen a sâng. Chun, Johan nih rem a ti.

MARK 15:37

Chun, Jisu chu hâu fâk tak hen a âu le, a nûkrî a chat rawh.

LUK 22:37

Ka nan simh na hi, ‘Anih chu misual lakah an rêlsih rawh,’ ti rîn kha ka tlûnah a hawng tlung ding asi; ka thâwngthâng thu tla kha a tlung dih awt rawh,” a ti.

LUK 23:46

Chun, Jisu chu hâu fâk tak hen a âu le, “Pa, na kut ah ka thlarau ka nan kiltir,” a ti. Chun, chu chu a ti thluh rawh chun a nukrî a chat rawh.

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

JOHAN 17:4

Nangnih thil ti ding na hawng ka pêk mi kha ka ti dih le, tual ah ka nan chawnglawmh rawh.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

ROM 10:4

Krist chu a lungtu tla vial rangah repnâk an nei khonâk ding hen Dân birhtirtu asi.

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

1 KORIN 5:7

Thilnu telh lo mi nan si hâwi ber hen sang tlang thar nan si khonâk ding hen thilnu li chu thianh u. Kan Kalkanh Kût khawm an thah rawh asi, Krist ngelchel chu.

PHILIPI 2:8

Chun, minung hâwi a um hen, â nâutir le, thih phah rê hen thu zâwt hen a hawng um rawh, Kraws a thihnâk tak chu.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 9:22

Chun, Dân thu hâwi hen zeizawng thisen hen thenhlimhtir an si; thisen suah lo hen sual ngaihdamnâk rerêng a um loh.