JOHAN 19:11 - Bawm Common Language Bible Version

¹¹ Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

JOHAN 19:11 ပူးပေါင်းရင်းမြစ်များ

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

SAM 39:9

Zei thu khawm ka sim awtlo, ka dâisip awt, hi hâwi hawng ka tuartirtu chu nangmah dangâi na si ah.

SAM 62:11

Thiltikhonâk leh a dâwtnâk dawnglo chu amah lak thawk hen mi asi ti Pathian nih a sim mi veikhat ngâk a tam ka theih.

LUNGFÂKNÂK 3:37

LALPA duhkâng cho mang asi kumza tâwn.

DANIAL 4:17

Chu chu vânmifial tîm chia zet leh râlring zet mi thu suah asi. Chu tikah mun kip ah mi tla nih Pathian rokual nih minung lalram tlûnah thu a nei mi leh âutal mi mêchem khawm a herh hen a thîm mi chu a pêk na kho ti an theih lai rawh.”

DANIAL 4:25

Minung thawk hen nar hen na um lai le, ramsa lakah na um lai, kum sarih sung chu chawchal hâwi hen belh na ei lai le, lêng ah dâm tlâknâk ah na it lai, churawhchun Pathian rokual nih lalram tlûnah thu a neih zia leh a duh mi sin zawng ah a pêk kho ti na theih lai rawh.

DANIAL 4:32

Minung thawk hen nar na si lai le, ramsa hen mun khat hen nan um lai le, chawchal tla hâwi hen kum sarih kar belh na ei lai, chu tikah Pathian rokual nih minung lalram tlûnah thu a neih zia leh a duh mi âu sin zawng ah a pêk kho ti na theih lai,” a ti.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

DANIAL 5:21

Minung lakah mi chu nar hen a um le, ran thinlung put hen a hawng um, mâng ah mi sanatung sinah a um le, chawchal hâwi hen belh a ei le, a sanhtu umlonâk lênglei ah dâmtî tlâ nâk ah a it, a dawnghnâk ah chun Pathian rokual nih minung lalnâk ram tlûnah thu a nei hen a duh mi zawng sinah a pêk kho ti a theih.

MATHAI 26:65

Chun, Bâwlpu Lalchem nih chun a nipuan tla a thlêk le, “Pathian a simsiat rawh; theihpitu dang zei kan herh lai rawh? Pathian a simsiat zia tu ah nan theih rawh, zeitin nan ngaih?” a ti.

MATHAI 27:2

Chun, an phuar le, an kalpi le, governor Pilat sinah an pêk rawh.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

MARK 14:44

Chun, a tleihtirtu ding mi nih chun, “Ka châwchawk mi zawng chu amah chu asi lai; tleih ule, ṭha tak hen kalpi u,” ti hen, singsiahnâk ding a simhkan zet na.

LUK 22:53

Pathian Biakin ah nan sinah nisiar ka um liau khan tleih ding hen nan ka awtlo. Sikhawmsele, tu hi nan changh tik asi, mûi thuneihnâk hen,” a ti.

JOHAN 18:13

Ana sinah an kalpi masa le, Kaiapha nupi pa asi ruangah. Kaiapha chu, chu kum chun Bâwlpu Lalchem asi.

JOHAN 18:3

Chun, Juda nih chun kawrsen rual hen, bâwlpu lal tla leh Farisai tla sinah um mi vêngtu tla hen a kalpi na le;

JOHAN 19:10

Chun, Pilat nih a sinah, “Nangnih kei na ka sâng lo mu? A nan suah kho kasi, kraws ah a nan khenhbêk kho kasi ti na theih lo ma?” a ti.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

JOHAN 7:30

Chuvachun, anih chu tleih an tum le, sikhawmsele a tik a tlung lo rih ruangah âukhawm nih a tlûnah kut an thlâk lo.

JOHAN 9:41

Chun, Jisu nih an sinah, “Mitchâw si u le chu sual nan nei lo ding mi; sikhawmsele, ‘Kan muh kho,’ tu ah na ti dangâiah, churuang chun nan sual a um kumza asi,” a ti.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

THILTI 4:28

na kut hen leh na thinlung hen hawng tlung ding a ruatkan mi vial kha ti ding hen.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

ROM 13:1

Mi kip an tlûnah lâirêltu thu thu hen um na seh. Pathian thu lo hen âukhawm lâirêltu an um lo; lâirêltu an um mi tla hi Pathian ruat an si.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

JEM 4:17

Churuangah, âuzawng thil ṭha ti ding theih ko hen tilo chu sual asi.