JOHAN 18:5 - Bawm Common Language Bible Version

⁵ Annih nih chun a sinah, “Nazaret mi Jisu,” an ti le, an sâng. Jisu nih an sinah; “Keimah hi kasi,” a ti. Chun, a tleihtirtu Juda khawm chu an lakah a dîr.

JOHAN 18:5 ပူးပေါင်းရင်းမြစ်များ

ISAI 3:9

An thinlung ruat chu anmah lakah a tlâ lai. Sodom mi tla hâwi hen langngân hen thilsual an ti. Anna râwk le, anmah tlûnah an tlungtir.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

MATHAI 2:23

“Anih chu ‘Nazaret mi’ an ti lai,” ti hen khuavâng tla kâ ah a sim mi kha a hawng tlung khonâk ding hen.

MATHAI 21:11

Chun, mi zapi tla nih chun, “Hi minung hi khuavâng Jisu, Galili ram ah Nazaret mi chu asi,” an ti.

JOHAN 1:46

Chun, Nathanael nih chun a sinah, “Nazaret ah thil ṭha a suak kho mazei?” a ti. Philip nih chun a sinah, “Hawng le zauh,” a ti.

JOHAN 18:4

Jisu nih a tlûnah thil tlung ding zawzawng chu theih hen, a va suak le; an sinah, “Âu me nan hâwl?” a ti.

JOHAN 18:6

Chun, “Keimah hi kasi,” a ti kâ hen, an dung leiah anna nâwp le, tual ah an tlû.

JOHAN 19:19

Chun, Pilat nih lasui a rîn le, kraws ah a bêk. ‘NAZARET MI JISU JUDA TLA LALCHEM,’ ti hen rîn asi.