JOHAN 18:37 - Bawm Common Language Bible Version

³⁷ Chun, Pilat nih a sinah, “Lalchem na si na maw?” a ti. Jisu nih, “Si ta a, Lalchem kasi. Thutak theihtir hi ka suak san leh laikulh ah ka hawng san asi. Âuzawng thutak lakah mi vial nih ka thu a zâwt tâwn,” a ti.

JOHAN 18:37 ပူးပေါင်းရင်းမြစ်များ

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MATHAI 27:11

Chun, Jisu chu governor mâika ah chun a dîr le, chun governor nih chun, “Juda tla Lalchem na si ma?” ti hen, a deih. Jisu nih a sinah, “Si ta a,” a ti.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

MARK 15:2

Chun, Pilat nih chun a sinah, “Juda tla Lalchem na si ma?” ti hen, a deih. Chun, anih nih chun a sinah, “Na sim hâwi hen kasi,” ti hen, a sâng.

LUK 22:70

Chun, an ektê hen, “Nang hi Pathian Fapa chu na si ma ne?” an ti. Chun, anih nih chun an sinah, “Si ta a,” a ti.

LUK 23:3

Chun, Pilat nih a sinah, “Juda tla lalchem na si ma?’ ti hen a deih. Chun, anih nih chun a sinah “Si ta a,” a ti le, a sâng.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 3:32

A muh leh a theih mi zawng a theihtir tâwn asi, âukhawm nih a thu theihtirnâk an pawm lo.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 8:14

Jisu nih an sinah, “Mah thu theihtir khawmsele, ka thu theihtir a dik asi; kei nih ka hawng suaknâk leh ka kalnâk lei ding khawm ka theih; nannih lam nih chun ka hawng suaknâk leh ka kalnâk ding lei khawm nan theih lo.

JOHAN 8:45

Thutak ka sim ruangah nannih nih nan hawng ka lung lo asi.

JOHAN 8:46

Nan lakah sual leikâng ah mawh nan hawng ka phurhtir khotu âu a um? Thutak ka sim khawm ah nannih nih zeirang nan hawng ka lung lo?

JOHAN 8:47

Pathian sinah thawk hen suak nih chun Pathian thu a ngâi tâwn; hi ruang hin nan ngâilo asi, Pathian sin thawk hen suak nan silo ruangah,” a ti.

1 TIMOTHE 6:13

Pathian thu zeizawng nungtirtu leh Krist Jisu, Pontia Pilat mâika ah ṭanhnâk ṭha ṭanhtu mitmuh ah thu nan pêk.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 JOHAN 2:21

Thutak chu nan theih lo mi asi lo ruangah ka rîn asi, nan theih ruangah leh thutak lakah âwkrâwl zeikhawm a suak dahlo ti nan theih ruangah ka rîn dauh asi.

1 JOHAN 3:14

Kan unau tla kan zângfah ruangah thihnâk ah mi kan suak le, nungnâk ah kan lût rawh ti kan theih. Âuzawng chu hâwi ti lotu chu thihnâk ah a um kumza asi.

1 JOHAN 3:19

Hi lakah hin thutak ah um kan si ti kanna theih asi. Kan thinlung khawm nih Pathian lakah mi kan si ti a theih lai,

1 JOHAN 4:6

Kannih lam chu Pathian lakah mi kan si. Âuzawng Pathian theihtu zawng nih kan thu an ngâi tâwn. Pathian lakah mi lo nih chun kan thu an ngâilo, chubang lakah chun Thlarau dik leh thlarau diklo chu kan theih asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.