JOHAN 18:30 - Bawm Common Language Bible Version

³⁰ Annih nih chun a sinah, “Hi minung hi misual si lah sele na sinah kan hawngpi lai loh,” an ti le, an sâng.

JOHAN 18:30 ပူးပေါင်းရင်းမြစ်များ

MARK 10:33

“Ngâinik u, Jerusalem ah kan kâl awt hi; Minung Fapa hi bâwlpu lal tla leh Dân sîntirtu tla sinah tleihtir hen a um awt asi.

MARK 15:3

Chun, bâwlpu lal tla nih chun kâng tam tak hen an phiar.

LUK 24:7

‘Minung Fapa hi misual tla kut ah tleihtir hen a um lai le, kraws ah an khenhbêk lai le, ni thum ni ah a thawknawlh ding asi,’ a ti mi kha,” an ti.

JOHAN 18:29

Chun, Pilat an sinah a va suak le, an sinah, “Hi minung tlûnah hin thupawi zei me nan nei?” a ti.

JOHAN 18:31

Chun, Pilat nih an sinah, “Nanmah nih kalpi ule, nan dân hâwi hen a lâi rêl u,” a ti. Juda tla nih a sinah, “Kanmah thu hen âukhawm thah khonâk kan nei lo,” an ti.

JOHAN 19:12

Chu thawk chun Pilat nih suah a tum le; sikhawmsele Juda tla an âu le, “Hi minung hi na suah chun Rom Lalchem hâwipa na si lai loh; âuzawng lalchem ah â siam mi vial chu Rom Lalchem do an si,” an ti.

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

2 TIMOTHE 2:9

Chu Thâwngthâng Ṭha ruangah chun thilsual titu hâwi hen phuar rê hen hamh tla ka tuar tâwn asi. Sikhawmsele Pathian thu chu phuar hen a um lêm loh.

1 PETER 4:15

Sikhawmsele, nan lakah âukhawm minung thahtu asi ruangah mawh, mifîr asi ruangah mawh, thilsual titu asi ruangah mawh, midang tla thilti ah tel bâktu ruangah mawh tuar ding hen um lah seh.