JOHAN 18:12 - Bawm Common Language Bible Version

¹² Chuvachun, kawrsen murui leh an hotu lalchem hen, Juda tla vêngtu tla nih chun Jisu an tleih le, an phuar le,

JOHAN 18:12 ပူးပေါင်းရင်းမြစ်များ

GENESIS 22:9

Pathian nih a simh mi mun chu an va tlung rawh. Abraham nih mâichâm a siam le, a tlûnah thing chu a timhtuah. A fapa chu a ṭêm le, mâichâm tlûnah mi thing pawng tlûnah a thâng.

GENESIS 40:3

Josef an siahnâk rêngin ah munkhat hen rêngtlâk vêngtu hotu in ah an siah na.

SAM 118:27

LALPA chu Pathian asi, kan lakah a ṭha; nan kut hen thing ṭeng put ule, puai tuah dawmh ule, mâichâm hêl u.

MATHAI 26:57

Chun, Jisu tleihtu tla nih chun Bâwlpu Lalchem Kaiapha in ah Dân sîntirtu tla leh upa tla anna pûmnâk ah chun anih chu an kalpi rawh.

MATHAI 27:2

Chun, an phuar le, an kalpi le, governor Pilat sinah an pêk rawh.

MATHAI 27:27

Chu thluh chun governor kawrsen tla nih chun Jisu chu lal in ah an kalpi le, an murui lakah mi zawzawng an sinah an pumh na.

MARK 14:53

Chun, Jisu chu Bâwlpu Lalchem sinah an ruai le, chun amah rual hen chun bâwlpu lal tla, upa tla, Dân sîntirtu tla zawzawng an hawng a pûm.

MARK 15:1

Chun, zînglei a hawng si kâ hen bâwlpu lal tla chu upa tla leh Dân sîntirtu tla zawzawng hen anna thluk le, Jisu chu an phuar le, an ruai le, Pilat sinah an pêk sawm rawh.

LUK 22:54

Chun, an tleih le, an ruai le, bâwlpu lalchem in ah chun an kalpi rawh. Chun, Peter nih râllâtpi hen a zûl.

JOHAN 18:3

Chun, Juda nih chun kawrsen rual hen, bâwlpu lal tla leh Farisai tla sinah um mi vêngtu tla hen a kalpi na le;

THILTI 10:1

Chun, Kaisari khua ah a min, Kornelia, minung pakhat a um, “Itali Kawrsen Murui,” an ti mi lakah kawrsen zâ hotu asi.

THILTI 21:31

Chun, anih chu thah an awt liauah chun Jerusalem khua mi anna nawk ti thu chu kawrsen murui hotu lianchem sinah an va thanh.

THILTI 21:37

Chun, Pawl chu kulh lakah an kalpi awt liauah anih nih chun kawrsen hotu lianchem sinah chun, “Na sinah ah thu kâ khat ka sim kho lai ma?” a ti. Chun, anih nih chun, Greek hawlh na theih na maw?” ti hen a deih.

THILTI 23:10

Chun, anna êl dadauh ruangah kawrsen hotu lianchem nih Pawl an dawh dip lai ti a ṭih le, kawrsen tla sinah va kal hen an lakah mi kulh sungah zângrah ko hen kalpi ding a ti.

LÂIRÊL 16:21

Philistia tla nih an tleih le, a mit an chawih zek. Gaza ah an kalpi le, dâr chikchîn hen an khih le, rêngin ah rialnâk khâwl ah rian an ṭuantir.