JOHAN 18:11 - Bawm Common Language Bible Version

¹¹ Chun, Jisu nih Peter sinah, “Nâmsâu kha a kâwng ah khumh nawlh rawh; Pa nih hâi hawng ka pêk mi hi ka din lo lai ma?” a ti.

JOHAN 18:11 ပူးပေါင်းရင်းမြစ်များ

2 SAMUEL 16:10

Lalchem nih Abisai leh a unaupa Joab sinah, “Hi hi nan rangah zei me a pawi, nanmah tlûnah â sei lo, LALPA nih hawlhsiat barh ding hen a titir mi asi chun zei rangah a ti âunih a ti kho lai?” a ti.

SAM 75:8

LALPA nih chun hâi a put le, a thinthawknâk uain hâng rât tak hen a khah. A thlêt le, misual zawzawng nih an din; a zut mi dawngh tiang an din;

EZEKIEL 23:31

Na unaunu zia na châwng ruangah amah din mi rêpnâk hâi nget din ding hen ka nan pêk awt,” a ti.

MATHAI 20:22

Jisu nih, “Nan deih mi chu nan theih lo asi. Ka hâi din ding mi chu nan din kho lai mazei,” a ti le, a sâng. Annih nih a sinah, “Ti kho e,” an ti.

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

LUK 12:30

Laikulh phun kip nih chubang zawzawng chu an hâwl tâwn asi; chubang chu nan Pa nih nan herh ti a theih ko ruangah.

LUK 22:42

“Pa, rem na ti chun hi hâi hi ka sin thawk hen ṭhinh rawh; sikhawmsele keimah thu silo hen nangmah thu si dauh seh,” a ti.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 18:36

Jisu nih “Lalchem ka sinâk chu hi laikulh thawk hen mi asi lo. Lalchem ka sinâk chu hi laikulh thawk mi si sele, ka to-aw tla nih an do lai; Juda tla sinah pêk hen ka um lonâk ding hen; sikhawmsele, lalchem ka sinâk chu hinah thawk hen mi hi asi lo,” a ti le, a sâng.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

2 KORIN 10:4

kannih râlthuamnâk tla chu taksa mi asi lo le, kulhpi bir tak tla siatnâk ding hen Pathian zârah thiltikho tak asi dauh,

2 KORIN 6:7

thutak thu ah, Pathian thiltikhonâk ah, keh leh vawrh hen repnâk riamnâm tla hen,

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.