JOHAN 17:6 - Bawm Common Language Bible Version

⁶ “Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 17:6 ပူးပေါင်းရင်းမြစ်များ

SAM 119:11

Na tlûnah thilsual ka ti lo ding hen ka thinlung ah na dân ka kil lai.

SAM 22:22

Na thilti chu ka mi le tla ka simh na lai, anna pumhnâk tla ah ka nan sawr lai.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

THUFING LASUIBU 2:10

Na hawng fing lai le, na theihnâk nih a nan lawmhtir lai.

THUFING LASUIBU 23:23

Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 12:28

Pa, na min chawnglawmh rawh,” a ti. Chuvachun, vân thawk hen aw-hâu a hawng suak le, “Ka chawnglawmh rawh, ka chawnglawmh nawlh lai,” a ti.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

JOHAN 15:3

Nan sinah ka thusim ruang khan tu khawm ah nanna thenhlimh chia rawh asi.

JOHAN 15:7

Nannih keimah lakah nan um kumza hen, ka thu nanmah lakah a um kumza chun, nan duh mi zawng deih u, nan rangah ti hen a um vima lai.

JOHAN 17:12

An sinah ka um liau khan, nangnih kei na ka pêk mi tla hi na min hen ka hum tâwn; annih chu ka vêng le, an lakah pakhat khawm an vei lo, a tlâu ding mi pa lo kha chu; Pathian lasui thu a hawng tlung khonâk ding hen.

JOHAN 17:14

Na thu an sinah ka pêk rawh le; chun, laikulh nih annih chu an hua le, laikulh ah mi ansi lo ruangah, kei laikulh ah mi kasi lo hâwi hen.

JOHAN 17:16

Annih chu laikulh ah mi ansi lo, kei laikulh ah mi kasi lo hâwi hen.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 17:7

Nangnih thil na ka pêk mi zawzawng, na sinah thawk hen suak asi ti an theih rawh.

JOHAN 18:9

(A thusim, “Pa, nangnih kei na ka pêk mi tla lakah pakhat khawm ka thlâu lo,” a ti mi kha a tlungnâk ding hen.)

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:39

Hi hi hawng ka fialtu duhzia chu asi, anih nih a ka pêk mi zawzawng zeikhawm thlâu lo sele, ni dawngh ni ah chun thawh dauh na sele.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:52

Juda tla nih a sinah, “Khuri nei na si ti tu ah kan nan theih rawh. Abraham a thi rawh, khuavâng tla hen, nangnih, ‘Mi nih ka thu a zâwt chun a thi rerêng lai loh,’ na ti.

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

ROM 11:2

Pathian nih a theihkan mi tla chu a lawnh lo. Pathian lasui thu nih Elija thu a sim mi hi nan theih lo ma? Anih nih chun Israel mi tla thu Pathian sinah a tlunh le,

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

2 TIMOTHE 1:13

Jisu Krist lakah um mi lungnâk leh dâwtnâk nei hen, thudik dân ka kâ thawk hen na theih mi tla kha nei thlir rawh.

HEBRAI 2:12

“Ka unau tla sinah thu ka sim lai le, anna pûm mi tla nâwng ah chun la hen ka nan sawr lai,” ti hen a sim hâwi hen.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

1 PETER 1:1

Hi lasuikuat hi Jisu Krist mifial Peter thawk hen mi asi: Pontia ram, Galatia ram, Kapadokia ram, Asia ram leh Bithinia ram tla ah rekrâwi hen an um mi Pathian mi thîm tla rangah asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 3:8

Na thilti zia tla ka theih; ka sîntirnâk thu tla na zûl hen zumhkâi tak hen na um le, thiltikhonâk tâwmtê na nei ti ka theih, âukhawm nih an khâr kho lo mi kawtkâ na mâika ah kan awng piak asi.