JOHAN 17:5 - Bawm Common Language Bible Version

⁵ Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 17:5 ပူးပေါင်းရင်းမြစ်များ

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 10:30

Kei leh Pa chu pumkhat kan si,” ti hen a sâng.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 17:1

Chubang thu chu Jisu nih a sim le; vân lei zauh hen, “Pa, a tik a tlung rawh. Na Fapa chawnglawmh rawh, Fapa nih a nan chawnglawmhnâk ding hen;

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 3:13

Vân ah âukhawm an kâi dahlo, Minung Fapa vân thawk hen hawng ṭum mi cho lo hi chu.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

PHILIPI 2:6

Anih nih chun Pathian hâwi a um hen, Pathian tluk ah um chu thil uh tlâk ah a ruat lo le,

HEBRAI 1:10

“Nang, Lalpa, a tîrah tual na siam le, vân tla khawm nangmah kut hen na siam.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

1 PETER 1:20

Anih chu tual leh vân siam lânah Pathian thîm hen a um le, ni dawnghnâk ah chun nanmah ruangah langh hen a um.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.