JOHAN 17:4 - Bawm Common Language Bible Version

⁴ Nangnih thil ti ding na hawng ka pêk mi kha ka ti dih le, tual ah ka nan chawnglawmh rawh.

JOHAN 17:4 ပူးပေါင်းရင်းမြစ်များ

LUK 22:37

Ka nan simh na hi, ‘Anih chu misual lakah an rêlsih rawh,’ ti rîn kha ka tlûnah a hawng tlung ding asi; ka thâwngthâng thu tla kha a tlung dih awt rawh,” a ti.

JOHAN 12:28

Pa, na min chawnglawmh rawh,” a ti. Chuvachun, vân thawk hen aw-hâu a hawng suak le, “Ka chawnglawmh rawh, ka chawnglawmh nawlh lai,” a ti.

JOHAN 14:13

Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 19:30

Chun, Jisu nih uain thur chu a tem thluh rawh chun, “Â lîm rawh,” a ti. Chun, a lû a kûn le, a nukrî a chat rawh.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 9:3

Jisu nih, “Hi minung khawm nih a sual lo, a nu leh a pa khawm nih an sual lo; Pathian rianṭuan a tlûnah a langhnâk ding hen asi dauh.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

2 TIMOTHE 4:7

Zuamnâk ṭha chu ka ti thluh rawh; ka tekzuamnâk chu ka zawh rawh le, lungnâk chu ka kil ving rawh asi;