JOHAN 17:3 - Bawm Common Language Bible Version

³ Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 17:3 ပူးပေါင်းရင်းမြစ်များ

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

THUFING LASUIBU 8:35

Kei an hawng ka tawngtu chu nungnâk an tawng mi asi. LALPA a lakah â lâwm lai.

ISAI 48:16

“Tuah ka sinah nâi tek hen hawng le, ka thusim ngâi. A tîr thawk hen fiang tlo hen thu ka sim le, ka thu chu dik kumza hen ka tlungtir,” a ti. (Tuah LALPA zahkâi nih thiltikhonâk hawng ka pêk le, hawng ka fial.)

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

MARK 9:37

“Âuzawng ka min ruangah hi hâwi ngâksiatê pakhat khawm lawmhtu vial chu keimah lawmhtu an si lai; âuzawng kei hawng ka lawmhtu zawng chu keimah cho lawmhtu an si lo le, hawng ka fialtu lawmh khawm an si lai,” a ti.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 11:42

Ka thu na ka ngâi piak kumza ti ka theih asi; sikhawmsele, mi zapi hêl buk dîr mi tla ruangah chun chu chu ka sim asi, nangnih na ka fial ti an lung khonâk ding hen,” a ti.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 17:18

Nangnih laikulh ah na ka fial hâwi khan, kei khawm nih annih chu laikulh ah ka fial na hi.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 3:17

Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

JOHAN 6:57

Pa nung mi nih chun hawng ka fial le, Pa ruangah nung kasi hâwi hen, âuzawng hawng ka eitu chu keimah ruangah anih khawm a nung lai.

JOHAN 7:29

Kei lam nih chun anih chu ka theih; a sin thawk hen hawng kasi, amah nih hawng ka fial asi,” a ti.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

PHILIPI 3:10

a thihnâk va bangh a thi hen, amah hen a thawknawlhnâk thiltikhonâk hen, a tuarnâk tla bâwmpinâk hen, ka theih khonâk ding hen;

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

2 PETER 1:2

Pathian leh kan Lalpa Jisu theihnâk lakah chun, nan tlûnah zângfahnâk leh remnâk pungtir hen um seh.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 1:8

hi thil tla hi nan herh mi chu asi, chubang chu tam tak nan nei chun nan tha an thawktir na lai le, kan Lalpa Jisu Krist theihnâk ah chun an chaktir na lai.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 4:6

Kannih lam chu Pathian lakah mi kan si. Âuzawng Pathian theihtu zawng nih kan thu an ngâi tâwn. Pathian lakah mi lo nih chun kan thu an ngâilo, chubang lakah chun Thlarau dik leh thlarau diklo chu kan theih asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.