JOHAN 17:26 - Bawm Common Language Bible Version

²⁶ Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 17:26 ပူးပေါင်းရင်းမြစ်များ

SAM 22:22

Na thilti chu ka mi le tla ka simh na lai, anna pumhnâk tla ah ka nan sawr lai.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

JOHAN 15:15

To-aw ka nan ti na lai lo rawh; a pu thilti to-aw nih a theih lo. Hâwi tla ka nan ti dauh na rawh; Pa sinah thil ka theih mi zawzawng nan sinah ka phuang rawh ruangah.

JOHAN 15:4

Keimah lakah um kumza u, kei khawm nanmah lakah ka um kumza lai. Ṭeng chu grep zûn ah a um kumza lo chun amah lung hen a rah kho lo hâwi hen, nannih khawm keimah lakah nan um kumza lo chun, nan rah kho lai loh.

JOHAN 15:9

Pa nih a ka dâwt hâwi ber hen kei khawm nih ka nan dâwt na hi; ka dâwtnâk ah um kumza u.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 6:56

Âuzawng ka taksa ei hen ka thisen dintu chu, keimah lakah a um kumza tâwn, kei khawm amah lakah ka um kumza tâwn.

JOHAN 8:50

Sikhawmsele, mah rokualnâk hâwl kasi lo; a hâwltu leh a lâirêltu mi pakhat a um.

ROM 8:10

Krist chu nanmah lakah a um asi chun, sualnâk ruangah taksa chu a thi asi; thlarau lam chu Pathian repnâk hen mirep ah ruat nan si ruangah nungnâk asi.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 12:12

Taksa hi pumkhat asi, ṭeng tam tak a nei le, taksa ṭeng tla zawzawng chu tam khawmsele taksa pumkhat an si le, Krist chu chu hâwi ber chu asi.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

EPHESI 5:30

taksa ṭeng tla kan si ruangah.

EPHESI 5:32

Chu thuthup chu a rokual asi: sikhawmsele, kei lam nih chun Krist leh Kawhmi tla thu ka sim asi.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 2:10

Amah lakah chun nan rangtling rawh le; anih chu lalnâk leh thuneihnâk zawzawng lû asi.

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

HEBRAI 2:12

“Ka unau tla sinah thu ka sim lai le, anna pûm mi tla nâwng ah chun la hen ka nan sawr lai,” ti hen a sim hâwi hen.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.