JOHAN 17:24 - Bawm Common Language Bible Version

²⁴ “Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 17:24 ပူးပေါင်းရင်းမြစ်များ

GENESIS 45:13

Hinah Aigupta ram ah ka thiltikhonâk a sâng zia leh thil zeizawng nan muh mi tla ka pa rangah simh u. Amah khawm khulrang hen hinah hawngpi u’ a ti.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 26:29

Sikhawmsele, ka nan simh na, ka Pa Ram ah nanmah tla hen a thar ka din ni a tlung lânlo chu tu thawk hen grep zûn rah lakah mi hi ka din nawlh lai lo rawh,” a ti.

LUK 12:37

An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai.

LUK 23:43

Chun, Jisu nih a sinah, “Thungâi tak hen ka nan simh, tusûn ah hin ka sinah Paradis ah na um bâk lai,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:3

Chun, nan rangah mun ka va siam chun, ka hawng nawlh lai le, ka sinah ka nan lâk na lai; ka umnâk ah nannih khawm nan um kho bâknâk ding hen.

JOHAN 15:9

Pa nih a ka dâwt hâwi ber hen kei khawm nih ka nan dâwt na hi; ka dâwtnâk ah um kumza u.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 17:22

Chun, nangmah nih rokualnâk na ka pêk mi kha kei nih an sinah ka pêk rawh; annih, chu pumkhat an sinâk ding hen, kannih pumkhat kan si hâwi hen;

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:39

Hi hi hawng ka fialtu duhzia chu asi, anih nih a ka pêk mi zawzawng zeikhawm thlâu lo sele, ni dawngh ni ah chun thawh dauh na sele.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

1 KORIN 13:12

Tu lam chun thlalang ah ka muh rianruan asi, chu tikah lam chun mâitawnh hen asi lai rawh; tuah lam chun a kim lo hen ka theih, chu tikah lam chun Pathian nih a hawng ka theih kim hâwi hen ka theih kim lai rawh.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

2 KORIN 5:8

Thlangam tak hen kan um kan ti taksa ah um lo hen Lalpa sinah um kan duh dauh.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

1 THESALONIKA 4:17

chu nûn chun kannih nung a um rih mi tla hi boruak ah Lalpa dawng ding hen amah rual ah sûm tla lakah khin lâk hen kan um lai; chun, zungzâl hen Lalpa sinah kan um lai rawh.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.