JOHAN 17:2 - Bawm Common Language Bible Version

² kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 17:2 ပူးပေါင်းရင်းမြစ်များ

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 17:9

“An rangah ka ngiar piak mi hi laikulh rangah ngiar piak ka si lo, nangnih na ka pêk mi tla rangah asi dauh, na tâ ansi ruangah.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:39

Hi hi hawng ka fialtu duhzia chu asi, anih nih a ka pêk mi zawzawng zeikhawm thlâu lo sele, ni dawngh ni ah chun thawh dauh na sele.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

1 KORIN 15:25

A mêlma tla zawzawng a kê tangah a siah lan lo chu anih chu lal ah a um ding rêng asi.

PHILIPI 2:10

Churawh chun, Jisu min chawnglawmh hen mikip, vân ah um mi tla, tual ah um mi tla, tual tangah um mi tla, a mâikâ ah anna siksidîr lai.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.