JOHAN 17:11 - Bawm Common Language Bible Version

¹¹ Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

JOHAN 17:11 ပူးပေါင်းရင်းမြစ်များ

SAM 79:9

Pathian, zah na kâinâk ruangah hawng kan ṭangpi le, ruang hawng kan suah; hawng kan hum le, kan sual tla hawng kan ngaihdam.

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 27:3

“Ka vêng le, tî ka tawih kumza. A sûn a zân hen âukhawm nih râwk lo ding hen ka vêng.

ISAI 64:2

Mei lakah tî a tlawk mi hâwi hen an thir lai. Hawng le, na mêlma lakah na thiltikhonâk langh le, na mâika ah phun tla thirtir na.

JEREMIA 14:21

Na thutiam theihkumza le, hawng kan thlawrhthlâu lah; na laltophah rokual umnâk Jerusalem chu ningzaknâk tlungtir lah. Kan lakah thudântuk na siam mi khawm râwk lah.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

EZEKIEL 20:22

Sikhawmsele, ka ti lo, Israel tla Aigupta ram thawk hen ka suakpi na mi muhtu phun tla lakah ka min a sia awt ruangah.

EZEKIEL 20:44

Keimah zah ka kâinâk ding ah thil ka ti tik chun, thilsual nan ti mi hâwi hen leh nan ṭhatlo zia hâwi hen kan ti na lo ruangah, nannih Israel mi tla nih kei, LALPA kasi zia nan theih lai rawh,” a ti. LALPA Zahkâi nih a sim asi.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

MATHAI 10:16

“Ngâinik u, chingngia nâwngah dawrâ um hâwi hen ka nan fial na hi: chuvachun, rûl hâwi hen fing hen, vaṭhu hâwi hen pawi khawih lo hen um u.

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

MATHAI 6:9

Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 13:3

Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 16:28

Kei Pa sin thawk a hawng suak hen, laikulh ah hawng kal kasi; laikulh kaltâk hen, Pa sinah kal nawlh ding kasi,” a ti.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 7:33

Chun, Jisu nih, “Sâwtlotê nan sinah ka um lai rih le, hawng ka fialtu sinah ka kal lai.

THILTI 3:21

Sikhawmsele, zeizawng siamṭhat tik a tlung lânlo chu vân nih anih chu a kil rih ding asi; chu siamṭhat ding thu chu Pathian nih laikulh a siam tîr thawk hen a khuavâng thenhlimh tla kâ hen a sim rawh kha.

ROM 12:5

chu hâwi ber hen, kannih tam tak sikhawmsele, Krist lakah chun taksa pumkhat kan si le, pakhat khat hen a ṭeng tawnh chiau kan si.

ROM 9:17

Pathian lasui thu nih Pharoa sinah chun, “Hi ruang hin ka nan dirh le, nangmah lakah chun ka thiltikhonâk ka zauhtir khonâk ding hen leh laikulh zawzawngah ka min a thang khonâk ding hen,” a ti asi.

1 KORIN 1:10

Chun, unau le tla, nan ektê hen thu bang cho nan sim hen, nan lakah ṭhennâk rêng a um lonâk ding hen, thinlung munkhat leh dawnruatnâk munkhat hen nanna tlâi thlir khonâk ding hen kan Lalpa Jisu Krist min hen ka nan ngiar na.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

EPHESI 4:4

A nan kawh na san lungumnâk munkhat hen kawh nan si hâwi ber hen khan taksa pumkhat leh Thlarau pakhat cho a um.

PHILIPI 2:9

Churuang chun, Pathian nih anih chu fâk tak hen a chawnglawmh bâk rûl le, min zawzawngah min chungnungchem chu a pêk rawh.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 19:12

A mit chu meialh hâwi asi le, lallukhuh tam tak â khuh le, chun a tlûnah min rîn amah cho lo nih chun âukhawm nih an theih kho lo mi a nei.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.