JOHAN 16:21 - Bawm Common Language Bible Version

²¹ Nunau a nganfâk liauah a ngaihsia tâwn, amah tik a tlung rawh ruangah; sikhawmsele, nau a nei rawh chun a lawksawngnâk chu a theih nawlh lo rawh; laikulh ah minung a hawng suak mi chu a lawmh ruangah.

JOHAN 16:21 ပူးပေါင်းရင်းမြစ်များ

GENESIS 3:16

Churawhchun, nunau sinah, “Na naupâwi hamhnâk leh na fa ringnâk nganfâk ka zualtir lai. Hi hâwi sikhawmsele na pasal duhnâk na nei kumza lai, anih nih na tlûnah thu a nei lai,” a ti.

JOB LASUIBU 11:16

Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.

SAM 113:9

Nupi fa nei lo chu a in ah a thang a ṭhattir le; fa tla pêk hen a lawmhtir. LALPA chu sawr u!

ISAI 13:8

An ektê hen an lâu lai le, nganfâknâk nih a neh na lai le, nunau nganfâk mi hâwi asi lai. Ningṭih hen anmah leh anmah anna zauh lai le, an mêl chu ningzaknâk hen a mûi lai.

ISAI 21:3

Langhnâk ka muh mi leh theih mi nih nunau a nganfâk mi hâwi hen, nganfâknâk leh ningṭihnâk ka lakah a khattir.

ISAI 66:7

“Ka khuapi thenhlimh chu nunau nih nganfâknâk tuar lo thlo hen fa a ring mi hâwi asi.

MIKAH 4:10

Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

MIKAH 4:9

Zei rangah fâk tak hen na ṭap? Nunau nganfâk tuar hâwi hen zei rangah na tuar? Lal nei lo hen remruattu tla an thi ruangah ma?

GALATIA 4:27

Pathian lasui thu nih, “Nang, ching, fa ring dahlo, a lâwm rawh! Nang, fa ring hen nganfâk tuar dahlo, âu rawh! Pasal nei mi ngâk chun um harnu nih chun fa le a nei tam dauh asi,” ti hen a sim hâwi khan.

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.