JOHAN 16:20 - Bawm Common Language Bible Version

²⁰ Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 16:20 ပူးပေါင်းရင်းမြစ်များ

JOB LASUIBU 20:5

misual chu lâwm tak hen sâwt an um loh ti a lân thawk hen na theih chia asi.

SAM 30:11

Ka ngaihsiatnâk chu lâwm hen lâwmnâk ah na changtir; ka lawksawngnâk chu na lâk ving le, lâwmnâk hen na kulh.

SAM 30:5

A thinrunhnâk chu sâwtlotê kar asi le, a ṭhatnâk chu damkar zawng rang asi. Zân ah chun mitthli luang khawmsele, zînglei ah chun lâwmnâk a hawng tlung.

SAM 97:11

Mirep tlûnah chun chêu a hawng chêu le, lâwmnâk chu mi ṭha tlûnah a hawng tlung.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

MATHAI 21:38

Sikhawmsele, a bultu tla nih chun a fapa an muh kâ hen, ‘Hi minung hi rotingtu ding asi, kan thah lai le, a ro ting ding mi hi kan ting tâk ving lai, an ti.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

MARK 14:72

Chun, ârkhuang veinihnâk chu a khuang sawm rawh. Chun, Peter nih chun Jisu nih a sinah, “Âr veinih a khuang lânah nangnih veithum na hawng ka pheh lai,” a ti mi thu kha a theih nawlh rawh. Chun, chu chu a dawn le, a ṭap rawh.

MARK 16:10

Chun, anih chu Jisu umpitu tla sinah a va kal le, mithi ulh hen ṭap liau chu a simh rawh.

LUK 22:45

Chun, thla a cham thluh ah chun a ṭhiruai tla sinah chun a hawng le, lawksawng ruangah an it mi a muh rawh chun,

LUK 22:62

Chun, a suak le, a ṭap chiam rawh.

LUK 23:27

Chun, mi zapi tam tak leh nunau zeimaw mi tla nih ir chumh leh ṭap bû hen an zûl.

LUK 24:17

Chun, an sinah, “Kal pah hen nan ruat mi kha, zei thu me?” a ti. Chun, zûr tak hen an dîr rawh.

LUK 24:21

Kannih nih Israel tla tlanhtu siding hen kan lungum rîlmâl hen, zeikhawm si sele, chubang thil tlungnâk chu tusûn hen ni thum asi rawh.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 16:6

Hi bang thu hi ka sim ruangah nan thinlung chu ngaihsiat hen a khat.

JOHAN 20:20

Chun, chu chu a sim thluh rawh chun a kut leh a nâk an sinah a zauhtir. Chun, Lalpa chu an muh rawh chun ṭhiruai tla chu anna lâwm rawh.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

2 KORIN 6:10

ngaihsia hâwi hen, sikhawmsele lâwm kumza ṭung hen, mipâm hâwi hen, sikawmsele mi tam tak neitir ṭung hen; zeikhawm nei lo hâwi hen, sikhawmsele zeizawng nei ṭung hen.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

1 THESALONIKA 1:6

Chun, thu chu hamhnâk tuar bû hen, Thlarau Thenhlimh ah lâwm hen nan pawm le, kanmah leh Lalpa châwngtu nan si.

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.