JOHAN 16:2 - Bawm Common Language Bible Version

² Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 16:2 ပူးပေါင်းရင်းမြစ်များ

ISAI 65:5

Churawhchun, midang tla sinah, ‘Kan sinah mi a kiang u, nannih tawngh ding hen kanna thenhlimh tuk! Chubang mi tla hâwi hen ka dîr kho lo, an lakah ka thinthawknâk chu mei mit kho lo mi hâwi asi.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

DANIAL 11:33

Mifing ruitu tla nih midang tam tak tla rangah an finghnâk an ṭhenh na bâk lai. Sikhawmsele, sâwtlotê kar chu a zeimaw mi chu râltuknâk ah an thah lai le, a zeimaw mi mei hen thi thlo an duah lai le, a zeimaw mi rêngin ah an thlâk na lai.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 12:42

Sikhawmsele, lâirêltu tla lakah cherkhet khawm nih Jisu an zumh rawh le; sikhawmsele Farisai tla ruangah anna phuang lo, chu lo chun pumhnâk in ah mi nar hen an um lai:

JOHAN 16:25

“Chubang thu chu tahṭhimh thu hen nan sinah ka sim; a tik a tlung awt, chu tik chun nan sinah tahṭhimh thu hen thu ka sim lai lo rawh le, fiang tak hen Pa thâwngthâng chu ka nan simh dauh na lai.

JOHAN 16:32

Ngâi u, a tik a tlung awt; asi, a hawng tlung liau asi, chu tik chun mah in chiauah nanna rek ver lai le, keimah lâwng hen nan ka kaltâk lai; sikhawmsele Pa ka sinah a um ruangah mah lâwng hen ka um lo.

JOHAN 4:21

Chun, Jisu nih a sinah, “Nunau, ka thu lung rawh, hi tlâng kher lo khawm ah, Jerusalem kher lo khawm ah Pa nan sawnh tik a tlung awt rawh.

JOHAN 4:23

Chuvachun, a tik a tlung awt rawh, tu khawm ah a tlung liau chir, chu tik chun Pathian sawnhtu tatak tla nih Thlarau leh thudik hen Pa an sawnh lai, Pa nih chu hâwi mi chu amah sawnhtu ding hen a hâwl asi.

JOHAN 9:22

Juda le an ṭih ruangah a nu leh a pa nih chun, chubang thu chu an sim asi. Juda tla nih chun âuzawng nih, “Anih chu Mesia asi,” ti hen ṭanhtu chu pumhnâk in ah mi nar asi lai ti hen rem an ti chia khap asi.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

THILTI 5:33

Chun, annih nih chun chubang thu chu an theih hen thungâi an thin a purh le, thah an tum na rawh.

THILTI 7:56

“Zauhnik u! Vân â awng mi ka muh le, Pathian vawrhlei ah Minung Fapa a dîr mi khawm ka muh, a ti.

1 KORIN 4:13

Tutiang khawm hen laikulh nâwmtâm thil zawzawng, nâwm hâwi hen mi nih hawng kan ngaih asi.

PHILIPI 3:6

ṭhanemsemsê leikângah chun kawhmi tla nehsawhtu kasi. Mi nih dân thupêk zûl hen, mirep an sinâk ah chun, kei khawm sâwi ding ka um lo.

THUPHUANG 6:9

Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.

LÂIRÊL 6:30

Churawhchun, Joash sinah, “Na fapa kha hinah hawng suah, kan thah ding hen! Baal mâichâm a siat le, a kiangah mi Aserah lem khawm a hâu ving,” an ti.