JOHAN 16:17 - Bawm Common Language Bible Version

¹⁷ Chun, a ṭhiruai tla zeimaw mi nih, “Kan sinah a thusim hi zei me si, ‘sâwtlotê ah nannih nih kei nan hawng ka muh lai lo le, sâwtlotê ah nannih nih kei nan hawng ka muh nawlh lai,’ a ti mi leh ‘Pa sinah ka kal awt ruangah,’ a ti mi hi?” anna ti.

JOHAN 16:17 ပူးပေါင်းရင်းမြစ်များ

MARK 9:10

Chun, chu thu chu an chîng thlir le, “Mithi lakah mi thawknawlh chu zei tinâk me si lai?” ti hen anna deih tawnh.

MARK 9:32

Sikhawmsele, a thusim chu a ngaihtawnhnâk an theih lo le, amah tâ nih an deih ngam lo.

LUK 18:34

Chun, chubang thu rerêng chu a ngaihnâk an theih lo; chun thusim chu an lakah thuh hen a um le, zei me a sim ti khawm an theih lo.

LUK 9:45

Sikhawmsele, a thusim chu a ngaihtawnh dân an thiam lo le, a thu umzia an theih lonâk ding hen an sinah thawk hen â thup asi; chu thusim thâwngthâng chu amah tâ nih an deih ngam lo.

JOHAN 12:16

Chubang chu a tîr chun a ṭhiruai tla nih an theih lo le; sikhawmsele, Jisu chawnglawmh hen a um nûnah chun a thâwngthâng lakah chubang thu chu rîn asi ti leh a tlûnah chubang thil chu an hawng ti asi ti an hawng theih rawh.

JOHAN 14:22

Chun, Juda (Iskariot lo nih) a sinah, “Lalpa, kannih sinah na langh lai le, laikulh sinah na langh lo ding chu zei zia me?” a ti.

JOHAN 14:5

Thom nih a sinah, “Lalpa, na kalnâk ding kan theih lo, a lampi zeitin kan theih lai?” a ti.

JOHAN 16:1

“Nan lungnâk nan thlâu lonâk ding hen nan sinah hi bang thu hi ka sim hi.

JOHAN 16:16

“Sâwtlotê ah nannih nih kei nan hawng ka muh lai lo le, sâwtlotê ah nannih nih kei nan hawng ka muh nawlh lai,” a ti.

JOHAN 16:18

Chun, annih nih chun, “Hi hi zei me si, ‘Sâwtlotê,’ a ti mi hi? A thusim kan theihthiam lo,” an ti.

JOHAN 16:19

Chun, amah deih an duh ti Jisu nih a theih le, an sinah, “ ‘Sâwtlotê ah nannih nih kei nan hawng ka muh lai lo, sâwtlotê ah nannih nih kei nan hawng ka muh nawlh lai,’ ti hen, ka thusim hi nanna deih mu?

JOHAN 16:5

Tu lam chu hawng ka fialtu sinah ka kal awt asi; nan lakah âukhawm nih, ‘A zei ah na kal awt?’ ti hen nan ka deih lo.