JOHAN 15:8 - Bawm Common Language Bible Version

⁸ Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

JOHAN 15:8 ပူးပေါင်းရင်းမြစ်များ

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

HAGAI LASUIBU 1:8

Tuah tlângah va kal ule, thing tla lâk ule, Biakin sak nawlh u; churawhchun sawnh ding mi kasi hâwi hen sawnh hen ka um lai le, ka lâwm lai rawh.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

MATHAI 5:44

Kei lam nih chun ka nan simh na, nan mêlma tla dâwt na ule, an nehsawh natu chu thlacham piak u,

MATHAI 9:8

Chun, mi zapi tla nih chun chu chu an muh rawh chun an ṭih le, minung tla sinah chu hâwi thuneihnâk pêktu Pathian chu an sawr rawh.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

JOHAN 13:35

Nanna dâwt chun, mi zawzawng nih ka ṭhiruai tla nan si ti chu lak chun an theih na lai,” a ti.

JOHAN 15:5

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

JOHAN 8:31

Chun, Jisu nih a lungtu Juda tla sinah chun, “Ka thu nan zâwt kumza chun ka ṭhiruai tla nan si tatak lai;

1 KORIN 10:31

Chun, nan ei khawm ah, nan din khawm ah, nan ti mi kip ah khawm Pathian rokualnâk ding ver hen ti u.

1 KORIN 6:20

Churuangah, nan taksa hen Pathian chawnglawmh u.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.