JOHAN 15:24 - Bawm Common Language Bible Version

²⁴ Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 15:24 ပူးပေါင်းရင်းမြစ်များ

SAM 81:15

Hawng ka huatu tla chu lâu hen ka mâika ah an kûn lai le; ka rêp na nâk chu kumleza tiang asi lai.

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

THUFING LASUIBU 8:36

Kei hawng ka tawnglotu chu amah nganfâk â pêk mi asi. Âuzawng hawng ka huatu chu thih a duh mi asi.”

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 21:32

Johan chu repnâk leikâng ah chun nan sinah a hawng kal le, amah chu nan lung lo le, siah khawlhtu tla leh nunau â zuar mi tla lam nih chun amah chu an lung le; nanmah nih chu chu nan muh nûn khawm ah amah chu nan lung khonâk ding hen nan rim lêm lo.

MATHAI 9:33

Chun, khuri chu a nar kâ hen hawlh kho lo mi chu a hawlh rawh. Chun, mi zapi tla nih chun thungâi chê an ti le, “Israel tla lakah hi hâwi hi kan muh dahlo,” an ti.

MARK 2:12

Chun, anih chu a thawk le, a tangphah a lâk sawm le, an ektê muh hen a suak rawh. Churawhchun, an ektê hen thungâi chê an ti le, “Hi hâwi rerêng hi kan muh dahlo,” ti hen, Pathian an sawr rawh.

LUK 24:19

Chun, anih nih chun an sinah, “Zei thil me?” a ti. Chun, annih nih chun a sinah, “Nazaret Jisu, Pathian leh minung zawzawng mitmuh ah a thu ah leh a thilti ah khuavâng minthang tak thâwngthâng thu;

JOHAN 10:32

Jisu nih annih tla chu a sawnh na le, “Pa sinah suak rianṭuan ṭha cherkhet ka nan zauhtir na le, kha bang rianṭuan tla lak khan a zeiruang khan me lung hen nan hawng ka seh awt?” a ti.

JOHAN 10:37

Ka Pa rianṭuan ka silo chun, hawng ka lung lah u.

JOHAN 12:10

Chun, bâwlpu lal tla chu Lazar khawm thah ding hen anna thluk;

JOHAN 12:45

Âuzawng hawng ka muhtu chu hawng ka fialtu muh asi.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 15:22

Kei hawng kal hen an sinah thu sim lo sele, sual an nei lo ding mi; tu lam chu an sual phelhsawlhnâk an nei lo rawh asi.

JOHAN 15:23

Âuzawng kei hawng ka huatu nih chun, ka Pa khawm a hua asi.

JOHAN 16:9

sual thu ah an mawh ti a theihtir lai, kei an hawng ka zumhlo ruangah;

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 6:36

Sikhawmsele, nannih nih nan ka muh khawm ah nan ka lung lo ti ka nan simh na.

JOHAN 7:31

Mi zapi lakah tam tak lam nih chun anih chu an zumh le, “Mesia chu a hawng tikah hi minung ngâk hen tam dauh singsiahnâk a hawng ti lai mazei?” an ti.

JOHAN 9:32

Laikulh um tîr thawk hen âukhawm nih mitchâw chia hen a suak mi mit an deitir nawlh ti theih asi dahlo.

JOHAN 9:41

Chun, Jisu nih an sinah, “Mitchâw si u le chu sual nan nei lo ding mi; sikhawmsele, ‘Kan muh kho,’ tu ah na ti dangâiah, churuang chun nan sual a um kumza asi,” a ti.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

ROM 1:30

Chaih mang tla, mi chawngawih mang tla, Pathian, huatkâng hen um mi tla, â liantir mi, mi zûm tla, â khâwng mi tla, thilsual thar suahtu tla, nu leh pa thu ngâilo tla,

DEUTERONOMY 5:9

Zei lem khawm sawnh hen mâimûk lah u, Kei, LALPA nan Pathian kasi ruangah, hel hi ka sâithiam lo. Hawng ka huatu tla chu an thlâk tla san thum leh san li tiang ka rêp na tâwn asi.

2 TIMOTHE 3:4

mi perpê tla, dung le mâi dawn lo tla, â sung-û tir mi tla, Pathian zângfah ngâk hen mah lawmhnâk cho zângfah dauhtu tla an si awt;

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.