JOHAN 15:21 - Bawm Common Language Bible Version

²¹ Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 15:21 ပူးပေါင်းရင်းမြစ်များ

SAM 69:7

Zauhnawmh leh ningzak saih hen ka um mi chu nangmah ruangah asi.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

MATHAI 10:18

asi, keimah ruangah governor tla leh lalchem tla mâikaah anmah leh phundang theihnâk ding hen an put na lai.

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

MATHAI 10:39

Âuzawng a nungnâk tawngtu nih chun a dawk lai le; keimah ruangah a nungnâk dawktu nih chun a tawng lai.

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

MARK 13:13

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuak hen a um lai.”

LUK 21:12

Sikhawmsele, chubang thil zawzawng a hawng tlung lânah chun a nan tleih na lai le, an nehsawh na lai. Pumhnâk in tla ah an kalpi na lai le, rêngin tla ah an khumh na lai; lalchem tla leh governor tla mâika ah an kalpi na lai.

LUK 21:17

Keimah min ruangah mi zawzawng huat nan si lai.

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

JOHAN 8:54

Jisu nih, ‘Mah a chawnglawmh sele ka rokualnâk zeikhawm asi lai lo; ‘Kan Pathian’ nan ti mi ka Pa chu, hawng ka chawnglawmhtu asi;

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

THILTI 17:23

Ka tawih pah hen nan sawnh mi tla ka zauh liauah, mâichâm pakhat tlûnah, “Theih loh Pathian sinah,” ti hen, rîn ka muh asi. Chun, theihlo hen nan sawnh tâwn mi kha, chu thu chu ka nan simh na hi.

THILTI 26:9

“Kei khawm nih Nazaret Jisu min kalhkâng hen thil cherkhet ti sele ṭha hen ka theih tâwn.

THILTI 3:17

“Sikhawmsele, unau le tla, nan hotu tla khawm nih an âtnâk ruangah an ti tâwn hâwi khan nan ât ruangah hi bang hi nan ti asi ti ka theih.

THILTI 4:17

Sikhawmsele mi sinah an phuang dadauh lonâk ding hen tu thawk hen âu sin khawm ah hi min hen thu an sim lonâk ding hen kan ṭhih na lai,” an ti.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

THILTI 9:14

Chun, hinah khawm na min lamtu vial phuar na ding hen bâwlpu lal tla thawk hen thu a tawng asi,” a ti le, a sâng.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

1 KORIN 2:8

Chu finghnâk chu hi laikulh lâirêltu tla rerêng nih an theih lo; theih sele chu rokualnâk Lalpa chu an khenhbêk lai loh.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

3 JOHAN 1:7

lunglo tla thawk hen zeikhawm ṭangpinâk lâk lo hen Krist rianṭuan ding hen an suak rawh ruangah.

THUPHUANG 2:3

felfênâk na nei ber le, ka min ruangah na tuar rawh le, na zuai lêm lo.