JOHAN 15:20 - Bawm Common Language Bible Version

²⁰ ‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

JOHAN 15:20 ပူးပေါင်းရင်းမြစ်များ

EZEKIEL 3:7

Sikhawmsele, Israel mi tla lakah aûkhawm nih na thu an ngâi piak duh lai lo; kei thu khawm an ngâi ding asi lo. An ektê hen an lungkhung hen zeikhawm an siarlo.

MATHAI 10:24

“Sîntu a sîntirtu tlûnah a um lo; to-aw khawm a pu tlûnah a um lo.

MARK 10:39

Chun, annih nih chun a sinah, “Kan ti kho,” an ti. Chun, Jisu nih an sinah, “Ka hâi din ding mi chu nan din lai le, ka baptis siding khawm chu nan si bâk lai.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

LUK 6:40

Ṭhiruai chu a sîntirtu tlûnah a um lo; mikip anna sîn thluh tikah an sîntirtu hâwi hen an um lai.”

JOHAN 10:31

Chun, Juda tla nih chun a sehnâk ding hen lung an sar nawlh.

JOHAN 11:57

Bâwlpu lal tla leh Farisai tla nih amah chu an tleih khonâk ding hen âuzawng nih a umnâk an theih chun phuang ding asi ti hen thu an pêk rawh.

JOHAN 13:16

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

JOHAN 5:16

Chun, Dinhni ah chubang thil tla chu a ti ruangah Juda tla nih Jisu an nehsawh rawh.

JOHAN 7:32

Chun, Farisai tla nih a tlûnah mi zapi tla nih a thup hen anna chaihnâk thu tla chu an theih le; chun, bâwlpu lal tla leh Farisai tla nih tleih ding hen tleihtu tla an fial rawh.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:52

Juda tla nih a sinah, “Khuri nei na si ti tu ah kan nan theih rawh. Abraham a thi rawh, khuavâng tla hen, nangnih, ‘Mi nih ka thu a zâwt chun a thi rerêng lai loh,’ na ti.

JOHAN 8:59

Chuvachun, a sehnâk lung an sar le, sikhawmsele Jisu â thup le, Pathian Biakin ah mi chu a suak rawh.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

1 KORIN 4:12

Mi nih hawng kan fâi chun, mal kan sâwm na tâwn; mi nih hawng kan nehsawh chun kan tuar rarâm tâwn, mi nih hawng kan phûm chun kan lêm na tâwn.

2 KORIN 4:9

nehsawh hen kan um le, sikhawmsele kaltâk hen kan um lêm loh; tlû thlo hen hawng kan vuak le, sikhawmsele veih thlo hen kan um loh.

1 THESALONIKA 2:15

chubang Juda tla nih chun Lalpa Jisu leh khuavâng tla khawm an thah le, kannih khawm hawng kan nar le, Pathian an lawmhtir lo, mi zawzawng an kalh tâwn;

2 TIMOTHE 3:12

Asi, âuzawng Jisu Krist lakah Pathian sunhsak hen umtu zawng nih chun nehsawhnâk tla an tuar ber lai.

1 SAMUEL 8:7

LALPA nih, “Mi zapi nih na sinah an deih mi zawng chu ngâi piak na ko. Nangmah an duh lo mi lâwng asi lo le, keimah tiang an lal rangah an ka duh lo mi asi.