JOHAN 15:16 - Bawm Common Language Bible Version

¹⁶ Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 15:16 ပူးပေါင်းရင်းမြစ်များ

GENESIS 18:18

A thlâk tla chu an hawng rokual hen phun chak tak an hawng si lai le, amah ruangah phun zawzawng tla chu mal ka sâwm na lai.

SAM 145:4

Na thilti tla chu, thlâk tla leh a nawlh ah thlâk tla nih an sawr lai. Na thilti rokual tla chu an sawr lai.

SAM 71:18

Pathian, tu chun ka tar rawh le, ka sam tla a pâr rawh; Hawng ka kaltâk rîlmâl lah. Thlâk hawng um ding mi zawzawng sinah na thiltikhonâk leh chaknâk ka sim liau hin ka sinah um kumza.

THUFING LASUIBU 11:30

Repnâk nih nungnâk a pêk le, sikhawmsele siatnâk nih a veih ving.

ISAI 27:6

Ni a hawng tlung ding mi lakah Jakob thlâk Israel mi tla nih thing hâwi hen ram an thlâk lai le, a pâr a ên hen a kukulul a tuah lai. An rah suah nih tual a khattir lai.

MIKAH 5:7

Israel mi lakah a dam rih mi tla chu LALPA nih dâmtî phun tam tak rangah a hawng tlâktir mi hâwi hen leh a fachî tuhtu nih thlâi a chîng mi hâwi an si lai. Minung silo hen Pathian an ngauhsan lai rawh.

MATHAI 21:22

Chun, zeizawng lung bû hen nan deih mi zawng chu nan tawng lai,” a ti le, a sâng.

MATHAI 7:7

“Deih u, chun a nan pêk na lai; hâwl u, chun nan tawng lai; kik u, chun a nan awng piak na lai.

LUK 6:13

Chun, khua a dei kâ hen a ṭhiruai tla chu a kawh na le, an lakah mi leinih a thîm na le, an min khawm ah mifial ti hen a sak:

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

JOHAN 15:5

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

JOHAN 6:70

Chun, Jisu nih an sinah, “Nannih leinih tla hi keimah thîm nan si lo ma? Nan lakah minung pakhat lam chu diabol asi,” a ti.

THILTI 1:24

Chun, thla an cham le, “Nang Lalpa, minung zawzawng thinlung theihtu,

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 10:41

Sikhawmsele mi zawzawng sinah asi lo, Pathian nih theihtu ah a ruatkan mi tla sinah cho asi; kanmah tla mithi lakah thawk hen a thawhnawlh nûnah a sinah ei leh bâr mi tla sinah hin.

THILTI 22:14

Chun, anih nih chun, ‘Kan thlâktu tla Pathian nih a duhzia theihtu ah leh mirep To-aw tak chu muh hen, a hawlhkâ theihtu khawm ah a nan ruat rawh.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 1:13

Unau le tla, hi hi theih u: ka nan veh na ding hen vei tam tak ka tum rawh le, sikhawmsele, thil zeimawh nih a hawng ka kham kumza tâwn asi. Phundang tla lakah lungthar ka tawng hâwi hen nan lak khawm ah lungthar tawng ka duh tâwn asi.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

ROM 9:21

Valei tlang khat bêl pakhat sung tak hen, bêl pakhat sung lo tak siam ding hen belhêmtu nih chun nêng tlang tlûnah thu a nei lo masi?

1 KORIN 10:11

Chun, chubang chu zauhtirnâk ding hen an tlûnah a hawng thlung asi kha; kannih, tik dawngh hawng tlungnâk tla hi, nun hawng kan simhnâk ding hen an rîn asi ber.

GALATIA 1:15

Chun, ka nu paw sung thawk hen hawng ka thîmtu leh a zângfahnâk ruangah hawng ka kawhtu Pathian nih chun,

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

2 TIMOTHE 1:11

Chu Thâwngthâng Ṭha thu chu theihtir ding hen, phuangtu ah leh mifial ah leh sîntirtu ah ruat kasi.

2 TIMOTHE 2:2

Chun, theihtu tam tak tla lakah ka kâ ah thu na theih mi tla kha, chubang chu mi zumhkâi midang tla sîntir singsuan khotu ding tla sinah chun kiltir rawh.

TITA 1:5

Hi ruangah hin Kret tikulh ah khan ka nan mâk asi, thu ruat mi mabân chu na ruat vima ding hen leh thu kan pêk mi hâwi hen khan khua kip ah upa tla na ruat ding hen,

HEBRAI 11:4

Lungnâk hen Abel nih chun Kain ngâk chun bâwlnâk ṭha dauh Pathian sinah a pêk; lungnâk ruangah Pathian nih a thilpêk tla a pawm piak le, mirep asi phah. Chun, chu lungnâk ruang chun Abel nih thih nûnah thu a sim nget rih asi.

JEM 3:18

Remnâk siamtu nih remnâk chi a tuh mi chu a rangah repnâk asi.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

1 PETER 3:2

Nan nunchan chu a thenhlimh zia leh zah a kâi zia an muh awt ruangah.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

1 JOHAN 4:19

Pathian nih a hawng kan zângfah masa ruangah kan zângfah asi.