JOHAN 15:11 - Bawm Common Language Bible Version

¹¹ “Ka lâwmnâk nanmah lakah a um kumzanâk ding hen leh nan lâwmnâk a rangtling khonâk ding hen, hi bang thu hi nan sinah ka sim rawh hi.

JOHAN 15:11 ပူးပေါင်းရင်းမြစ်များ

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

JEREMIA 32:41

An rangah thil ṭha ti ding hen thinlung thawk tak hen ka ti lai le, hi ram hi luah kumza ding hen ka birhtir na lai.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

LUK 15:23

Chawpê fa bit tak kha hawng put ule, thah u, lâwm tak hen kan ei lai.

LUK 15:32

Lâwptlo tak hen kan um ding asi, hi na nau hi a thi le, a hawng nung nawlh rawh; a tlâu le, kan tawng nawlh rawh asi hi,’ ” a ti.

LUK 15:5

Chun, a tawng nawlh chun lâwm tak hen a liang ah a put tâwn.

LUK 15:9

Chun, a tawng nawlh chun a hâwi tla leh a zâwlbâwm tla a pumh na le, ‘Hawng ka lawmhpi u, ka dragma tlâu kha ka tawng nawlh rawh,’ a ti tâwn.

JOHAN 16:24

Keimah min hen zeikhawm nan deih lo; deih u, chun nan tawng lai; nan lâwmnak a rangtling khonâk ding hen.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 17:13

Sikhawmsele, tuah na sinah ka hawng awt rawh; laikulh ah hi bang thu hi ka sim asi, ka lâwmnâk anmah lakah an nei rangtlingnâk ding hen.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

EPHESI 5:18

Chun, uain rî hen um lah u, chu lak chun sûmkholonâk a um ruangah; Thlarau a khat hen um dauh u.

PHILIPI 1:25

chun chu chu ka lung thlir ruangah ka um kumza awt tih ka theih; asi, lungnâk ah chun nan hawng ṭhangnâk ding leh nanna lâwmnâk ding hen nan ektê sinah ka um kumza awt tih ka theih;

1 THESALONIKA 5:16

Lâwm kumza u,

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

1 JOHAN 1:4

Chun, kanna lâwmnâk a rangtling khonâk ding hen hi bang thu hi kan rîn asi.

2 JOHAN 1:12

Nan sinah thu tam tak sim ding ka nei ruangah lasui leh lasui hâng hen rîn ka duh lo le, kanna lâwmnâk a rangtling khonâk ding hen nan sinah hawng kal hen mâitawnh hen an sawnh na ding ka lungum dauh.