JOHAN 15:10 - Bawm Common Language Bible Version

¹⁰ Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 15:10 ပူးပေါင်းရင်းမြစ်များ

2 SAMUEL 22:22

LALPA dân ka zâwt le, Ka Pathian chu ka hawitâk lo.

2 Lal 18:6

LALPA lakah zumhkâi tak hen a um le, a thu a ngâi kumza, LALPA nih Mosi mang hen a sinah thu a pêk mi zawng khawm a zûl.

EXODUS 7:6

Mosi leh Aron nih LALPA thupêk hâwi hen an ti rawh.

ISAI 50:5

LALPA nih theihthiamnâk hawng ka pêk le, A lakah ka hel lo mawh kâng dang lei khawm ka hawitâk lo.

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

JOHAN 12:49

Keimah phuak sawm hen ka sim lo; Pa hawng ka fialtu nih ka sim ding leh ka ruat ding hi, thu hawng ka pêk dauh asi.

JOHAN 14:15

“Nannih nih nan ka dâwt chun, ka thupêk tla nan zâwt lai.

JOHAN 14:21

“Âuzawng ka thupêk tla theih hen zâwt mi chu hawng ka dâwttu asi; âuzawng hawng ka dâwttu chu ka Pa nih a dâwt lai, kei khawm nih anih chu ka dâwt lai le, a sinah kâ langh lai,” a ti.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 17:4

Nangnih thil ti ding na hawng ka pêk mi kha ka ti dih le, tual ah ka nan chawnglawmh rawh.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

1 KORIN 7:19

Pathian thupêk tla tleih cho lo chu fêmtan hi zeikhawm asi lêm lo, fêmtan lo khawm hi zeikhawm asi lêm lo.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

2 PETER 2:21

Lampi rep chu theih nûnah, thupêk thenhlimh an sinah a kiltir na mi chu kaltâk ngak chun, lampi rep chu theihlo dâidua na sele an rang a ṭha dauh lai.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 2:5

Âuzawng a thu zâwttu chu amah lakah chun Pathian zângfahnâk a rangtling tatak rawh asi.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.

1 JOHAN 5:3

Pathian kan zângfahnâk chu hi hi asi, a thupêk tla kan zûl mi hi. A thupêk tla chu kan rangah a har lo.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.