JOHAN 15:1 - Bawm Common Language Bible Version

¹ “Kei grep zûn tatak kasi, ka Pa chu dûm zauhkhenhtu asi.

JOHAN 15:1 ပူးပေါင်းရင်းမြစ်များ

LA TLA LA 7:12

Zîngtê ah kan thawk lai le, grep tla an kho rawh ma, an pâr a parh rawh mawh, pomegranate tla an pâr rawh ma kan va zauh lai. Chunah chun kan dâwtnâk kan pêk lai.

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

JEREMIA 12:10

Ramdang mi lâirêltu tam tak tla nih ka grep zûn tla an râwk ver le; ka phâisen tla an lamh dip; ka ram duhtak chu a karo hen an siam thlo.

JEREMIA 2:21

Chî ṭha chem lakah mi grep zûn sung tak hâwi hen ka nan phun. Sikhawmsele zei hâwi na si rawh, a zauh nik! Grep zûn a ngêt mi mang tlâklo mi hâwi na si rawh.

EZEKIEL 19:10

Na nu chu tiva kapah grep zûn phun mi hâwi asi. Tî a tam tâwk ruangah grep zûn chu a nah leh a rah nih a khuh zat.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

MATHAI 15:13

Anih lam nih chun, “Kûng zawzawng ka Pa vân ah mi nih a phun lo mi chu phâwi hen a um lai.

MATHAI 20:1

“Vân Ram chu, in dâwngpu a grep dûm ah rianṭuantu tla ṭuantir na ding hen zîngtê ah suak mi hâwi chu asi.

MATHAI 21:33

“Tahṭhimh thu dang ngâi u: mi âumawh in dâwngpu a um le, chu nih chun grep dûm a siam le; dâi hen a kulh le, grep sûrnâk khur a chawh le, in sâng a sak le; chun a bultu tla sinah a thlawh lawh ding hen a ap na le, ram dang ah a kal rawh.

MARK 12:1

Chun, tahṭhimh thu hen Jisu nih an sinah a sim rawh: “Âunih mawh grep dûm a siam le, dâi hen a kulh le, grep sûrnâk khur a chawh le, in sâng a sak le, a bultu tla sinah thlawh lawh ding hen a pêk le, ram dang ah a kal rawh.

LUK 13:6

Chun, hi tahṭhimh thu hi Jisu nih a sim le: “Âunih mawh grep dûm ah theipi a phun mi pakhat a nei le; chun, a kûng ah chun a rah a hawng hâwl le, pakhat khawm a tawng lo.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 1:9

Chêu dik tak mikip chêutirtu kha laikulh ah a hawng kal liau asi.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

JOHAN 6:32

Chun, Jisu nih an sinah, “Thungâi tak hen ka nan simh na, vân thawk hen mi sang kha Mosi nih an pêk na mi asi lo, ka Pa lam nih chun vân thawk hen sang tak an pêk na asi hi.

JOHAN 6:55

Ka taksa hi buh tak asi, ka thisen hi din ding tak asi.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

1 JOHAN 2:8

Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.