JOHAN 14:9 - Bawm Common Language Bible Version

⁹ Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 14:9 ပူးပေါင်းရင်းမြစ်များ

GENESIS 26:9

Abimelek nih Isak sinah mi a fial le, hi hâwi hen a ti, “Na nupi asi ko mi! Zei rangah ka farnu na ti zia?” a ti. Anih nih, “Ka nupi ka ti chun nan ka thah lai ti ka ruat ruangah,” ti hen a sâng.

SAM 11:1

Himnâk ding hen LALPA chu ka zumh. Misual tla nih mûi ah um mi, mi ṭha tla chu kah ding hen an chanhtiang leh thal zum hen an zâwn na ruangah,

JEREMIA 2:23

Zeitin khawm hen ka nâwmtir lo, Baal khawm ka sawnh dahlo na ti kho awt? Tivakuam ah thilsual na ti zia zauh le; na thilti tla zauh. Sangâwngsâu a phawl le, sût ding duh hen a tâl hen a suak le,

MARK 9:19

Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

LUK 12:56

Nannih mi perpê tla, tual leh vân umzia khawm nan theihthiam mi, zei rangah tûliau thil umzia hi nan theihthiam lo?

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 10:30

Kei leh Pa chu pumkhat kan si,” ti hen a sâng.

JOHAN 12:45

Âuzawng hawng ka muhtu chu hawng ka fialtu muh asi.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 14:7

Kei hawng ka theih mi si ule, ka Pa khawm nan theih rawh ding mi; tu thawk hen amah nan theih le, amah nan muh rawh,” a ti.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

1 KORIN 15:12

Chun, Krist thu, mithi lakah mi thawh hen a um ti an sim ṭung chun zeitin zia me nan lakah zeimaw mi nih, “Mithi thawknawlhnâk rerêng a um lo nan ti ne?

PHILIPI 2:6

Anih nih chun Pathian hâwi a um hen, Pathian tluk ah um chu thil uh tlâk ah a ruat lo le,

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.