JOHAN 14:6 - Bawm Common Language Bible Version

⁶ Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 14:6 ပူးပေါင်းရင်းမြစ်များ

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 1:4

Amah lakah chun nungnâk a um; chu nungnâk chu minung tla chêunâk asi.

JOHAN 10:28

an sinah zungzâl nungnâk ka pêk tâwn; an vei rîlmâl lai lo le; âukhawm nih ka thiltikhonâk ah mi an hawng ka suh lai loh.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 10:9

Kei kawtkâ chu kasi; âuzawng keimah lakah a lût mi chu ruangsuah hen a um lai le, a lût hen a suak lai, ei ding a tawng lai.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 15:1

“Kei grep zûn tatak kasi, ka Pa chu dûm zauhkhenhtu asi.

JOHAN 18:37

Chun, Pilat nih a sinah, “Lalchem na si na maw?” a ti. Jisu nih, “Si ta a, Lalchem kasi. Thutak theihtir hi ka suak san leh laikulh ah ka hawng san asi. Âuzawng thutak lakah mi vial nih ka thu a zâwt tâwn,” a ti.

JOHAN 5:21

Pa nih mithi tla a thawh le, a nungtir tâwn hâwi hen, Fapa khawm nih a duh mi zawng a nungtir tâwn.

JOHAN 6:33

Pathian sang chu vân thawk hawng ṭum hen, laikulh sinah a nungnâk pêktu hi asi,” a ti.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

JOHAN 6:57

Pa nung mi nih chun hawng ka fial le, Pa ruangah nung kasi hâwi hen, âuzawng hawng ka eitu chu keimah ruangah anih khawm a nung lai.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

JOHAN 8:32

chun thutak nan theih lai le, thutak nih chun sal an suah na lai,” a ti.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

THILTI 3:15

Chun, Nungnâk Siamtu chu nan thah asi. Sikhawmsele, Pathian nih anih chu mithi lakah mi a thawh nawlh-- chu chu a theihtu tla kan si.

THILTI 4:12

Midang âu sin khawm ah ruangsuaknâk a um lo; laikulh ah minung min sak lakah ruang hawng kan suah khotu ding min dang rerêng an um lo,” a ti.

THILTI 9:2

Damaska khuapi ah mi pumhnâk in zawzawng mi tla sinah pêk ding hen lasui a deih le, chu lampi leiah minung âutal lungtu a muh chun, nunau khawm, mipa khawm Jerusalem ah phuar bû hen a hawng kalpi kho na ding hen.

ROM 5:2

Amah ruang ber ah hi zângfahnâk ah hin bir tak hen kan dîrnâk ah hin lungnâk hen kan lût rawh. Churawhchun, Pathian rokualnâk lungum hen lâwm hen kan um.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

1 KORIN 15:45

Chu hâwi ber hen, Minung masa chem Adam chu minung a hawng si,” ti rîn asi. Adam madung dauh chu nungnâk pêktu thlarau a hawng si.

EPHESI 2:18

Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

KOLOSA 2:17

chubang tla chu thil hawng tlung ding mi thlapelê asi, a tak lam chu Krist asi.

KOLOSA 2:9

Amah lakah chun Pathian rangtlingnâk zeizawng chu taksa nei hen a um kumza.

KOLOSA 3:4

Krist kan nungnâk chu a hawng a langh tikah chun nannih khawm amah sinah rokualnâk ah nanna langh bâk lai.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

HEBRAI 9:8

Thlarau Thenhlimh nih hi hi a theihtir le, sawnhnâk puanin tawngtir mi a um kar vial chu Mun Thenhlimh Chem ah lûtnâk lampi chu a lang lo rih, ti hi.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 PETER 2:4

Lung nung, mi nih zeikhawm rawtrâilo ah an ruat mi, Pathian ngaih hen chun sung tak leh a thîm mi, Lalpa sinah chun hawng u.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

1 JOHAN 5:6

Jisu Krist chu â baptisnâk tî leh a thihnâk thisen hen a hawng kal asi, tî cho hen a hawng mi silo le, tî leh thisen hen asi dauh. Thlarau chu thutak asi ruangah chun, Thlarau nih chun thudik asi ti a theihtir asi.

2 JOHAN 1:9

Âuzawng Krist sîntirnâk thu ah um lo hen a lei a kaih chun Pathian a nei lo. Âuzawng chu sîntirnâk ah a um asi chun Pa leh Fapa a nei vevê asi.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.