JOHAN 14:30 - Bawm Common Language Bible Version

³⁰ Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 14:30 ပူးပေါင်းရင်းမြစ်များ

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 22:53

Pathian Biakin ah nan sinah nisiar ka um liau khan tleih ding hen nan ka awtlo. Sikhawmsele, tu hi nan changh tik asi, mûi thuneihnâk hen,” a ti.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

THILTI 1:3

Chu mifial tla sinah chun hamhnâk chu a tuar nûnah theihtirnâk tam tak leh nung hen â zauhtir le, ni sâwmli tiang an sinah â langh le, Pathian Ram thu a sim tâwn.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 6:12

Kan paihpi mi tla hi taksa leh thisen an si lo, lalnâk leh thuneihnâk tla leh hi thim tlûnah lâirêltu tla leh vân mun tla ah thlarau sual um mi tla an si dauh.

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

1 PETER 1:19

Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.