JOHAN 14:3 - Bawm Common Language Bible Version

³ Chun, nan rangah mun ka va siam chun, ka hawng nawlh lai le, ka sinah ka nan lâk na lai; ka umnâk ah nannih khawm nan um kho bâknâk ding hen.

JOHAN 14:3 ပူးပေါင်းရင်းမြစ်များ

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:28

‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

JOHAN 14:4

Ka kalnâk ding a lampi nan theih,” a ti.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

2 THESALONIKA 1:12

Kan Pathian leh Lalpa Jisu Krist zângfahnâk hâwi vima hen kan Lalpa Jisu min chu nanmah lakah chawnglawmh hen a um kho lai le, nannih khawm amah lakah chawnglawmh hen nan um kho lai.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.