JOHAN 14:28 - Bawm Common Language Bible Version

²⁸ ‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

JOHAN 14:28 ပူးပေါင်းရင်းမြစ်များ

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

SAM 68:9

Ruah tam tak na sûrtir le, na ram a dâwng rawh mi chu na thartir nawlh le;

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

MATHAI 12:18

“Zauhnik, ka to-aw ka thîm mi, ka duhtak, ka thinlung nih thungâi a lawmh mi hi. A tlûnah ka Thlarau ka siah lai le, chun phundang tla sinah lâirêlnâk thu a sim lai.

JOHAN 10:38

Sikhawmsele, ṭuan kasi chun, kei hawng ka lunglo khawm ule, rianṭuan tla hi lung u; Pa keimah lakah a um ti leh kei Pa lakah ka um ti nan theih hen leh nan theihthiam khonâk ding hen,” a ti le, a sâng.

JOHAN 13:16

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

JOHAN 14:12

Thungâi tak hen ka nan simh na, âuzawng hawng ka zumhtu nih chun thil ka ti mi tla hi anih khawm nih a ti bâk lai; hi ngâk a thil rokual khawm a ti lai, Pa sinah ka kal awt ruangah.

JOHAN 14:18

“Ngâkṭah hen ka nan kaltâk na awtlo le, nan sinah ka hawng kal nawlh lai.

JOHAN 16:7

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 5:18

Chuvachun, Juda tla nih thah ding an tum khun le, Dinhni a buar ruang cho khawm asi lo le, Pathian amah Pa ah a ruat le, Pathian tluk hen â siam ruang khawm ah asi.

JOHAN 7:33

Chun, Jisu nih, “Sâwtlotê nan sinah ka um lai rih le, hawng ka fialtu sinah ka kal lai.

1 KORIN 11:3

Sikhawmsele, mipa vial lû chu Krist asi, nunau lû chu mipa asi, Krist lû chu Pathian asi ti hi nan theih ka duh asi.

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.