JOHAN 14:27 - Bawm Common Language Bible Version

²⁷ “Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 14:27 ပူးပေါင်းရင်းမြစ်များ

2 CHRONICLES 20:30

Churuangah Jehosaphat chu thlangam tak hen lâi a rêl le, Pathian nih zei lei zawng ah himnâk a pêk.

JOB LASUIBU 34:29

Pathian nih thil zeizawng ti a tum lo mi chu, âukhawm nih an titir kho lo. A mêl a thuh chun minung nih ṭangpitu an nei ding asi lo.

SAM 11:1

Himnâk ding hen LALPA chu ka zumh. Misual tla nih mûi ah um mi, mi ṭha tla chu kah ding hen an chanhtiang leh thal zum hen an zâwn na ruangah,

SAM 112:7

Thâwngthâng ṭhalo a theih khawm ah a ningṭih lo; a lungnâk chu a bir le, LALPA a rinhsanh.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 28:3

Misual thilsual titu tla, an kâ chu mi kawmh thiam tak, khawmsele an thinlung ah huat mang tla sinah hawng ka mawhtir lah.

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 56:11

Pathian lakah ka ngauh le, ka lâu rerêng lai lo. Minung salam nih zei an ka ti kho lai?

SAM 56:3

Zeizawng tikho LALPA, ka ningṭih liau chun nangmah lakah ka ngauh.

SAM 72:2

Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

SAM 72:7

Repnâk nih chun a dam kar zawzawng chu ningnotir sele, vânṭhatnâk chu thlâ chêu kar zawzawng tiang si seh.

SAM 85:10

Dâwtnâk leh zumhkâinâk anna tawng lai; repnâk leh thlangamnâk anna tlâi.

SAM 91:5

Zân ah zei ṭihnungkâi tal khawm siseh, sûn ah mawhsareh hen donâk a tlung khup khawmsele;

THUFING LASUIBU 3:25

Lâkkhatko ah veihnâk thu ah na lawksawng lai lo, chubang tla chu misual tlûnah thlipi hâwi hen a hawng tlung tâwn.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 1:8

Annih chu ṭih na lah, a nan hum ding hen na sinah ka um awt ruangah. Kei, LALPA nih ka sim mi asi!” a ti.

LUNGFÂKNÂK 3:17

Damnâk, thlangamnâk leh lâwmnâk ka philh hep.

EZEKIEL 2:6

“Sikhawmsele, nang thikho mi minung, anmah leh an thusim chu na ṭih ding asi lo. An zauhnawmh hen an siar lai lo; tlâng cha-âi nâwngah um mi hâwi na si lai. Chubang an hel mi leh an thusim tla chu zeiliau khawm ah ṭih lah.

DANIAL 4:1

Lal Nebukadnezar nih laikulh ah phun kip leh chi kip leh hawlh kip sinah hi thuchah hi a thanh na: “Chibai!

DANIAL 6:25

Churawhchun, lal Darias nih phun kip, chi kip leh hawlh kip sinah lasuikuat a rîn le, a kuat rawh: “Chibai!

ZEKARIA 6:13

Amah chu a saktu ding mi leh lal sinâk hen zahnâk tawng ding mi leh a mi tla lâirêltu ding chu asi. Bâwlpu chu a laltophah sîrah dîr hen munkhat hen rian an tuan lai le, thlangam leh nuam tak hen an um lai.

NUMBER 6:26

LALPA nih an sunhsak na hen thlangamnâk an pêk na seh.

MATHAI 10:26

“Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

LUK 10:5

Chun, in nan lûtnâk kip ah a masa chem hen, “Hi in ah hin lungngamnâk tlung seh,” ti u.

LUK 12:4

“Chun, hâwi le tla, ka nan simh na, taksa thah hen, chu nûnah zei dang khawm ti kho lo rawhtu tla chu ṭih lah u.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

JOHAN 14:1

“Nan thinlung lawksawng lah seh; Pathian zumh u, kei khawm hawng ka zumh u.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 20:26

Chun, ni riat nûnah, a ṭhiruai tla chu in sungah an um nawlh le, Thom khawm an sinah a um bâk. Jisu a hawng kal le, inkhâr tla chu khâr asi le, an lakah a hawng dîr rawh le, an sinah, “Nan tlûnah lungngamnâk um seh,” a ti.

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 18:9

Chun, zân ah Lalpa nih Pawl sinah chun muhtirnâk hen, “Ṭih lah le, dâisip um lo hen thu sim vima rawh;

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 5:10

Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

ROM 8:6

Taksa lei thil tla duh chu thihnâk asi le, Thlarau lei thil duh lam chu nungnâk leh lungngamnâk asi.

1 KORIN 1:3

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

GALATIA 1:3

Pa Pathian leh kan Lalpa Jisu Krist sinah mi zângfahnâk leh remnâk nan sinah um seh.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

GALATIA 6:16

Chun, chu dân hâwi a um mi vial tla tlûnah remnâk leh zângfahnâk um seh! Pathian phun thîm Israel tla tlûnah khawm.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

KOLOSA 1:2

Kolosa khua ah Krist ah mi thenhlimh tla leh unau zumhkâi tla sinah chun: Pathian kan Pa thawk hen zângfahnâk leh remnâk nan sinah um seh.

KOLOSA 3:15

Chun, Krist remnâk nih chun nan thinlung ah lâirêl seh, chubang hâwi siding hen taksa pumkhat ah kawh nan si rerêng asi; lâwm ding dan theih u.

2 THESALONIKA 1:2

Pa Pathian leh Lalpa Jisu Krist sinah thawk hen zângfahnâk leh remnâk nan sinah um seh.

2 THESALONIKA 3:16

Chun, remnâk Lalpa ngelchel nih thil zeizawng ah remnâk an pêk kumza na seh. Lalpa chu nan ektê sinah um seh.

2 TIMOTHE 1:7

Pathian nih lâunâk Thlarau hawng kan pêk lo le; thiltikhonâk leh dâwtnâk leh mah a sûmkhonâk Thlarau hawng kan pêk dauh ruangah.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

HEBRAI 7:2

Abraham nih thil zeizawng parâ lû ah pakhat a pêk. (Melkizedek min umzia pakhatnâk chu “Repnâk Lalchem,” tinâk asi. Chun, a min umzia panihnâk ah chun, Salem lalchem asi ruangah, “Remnâk Lalchem” tinâk khawm asi.)

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.