JOHAN 14:26 - Bawm Common Language Bible Version

²⁶ Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 14:26 ပူးပေါင်းရင်းမြစ်များ

SAM 51:11

Na lakah mi chu hawng ka lawnh lah le; ka sin thawk hen na thlarau thenhlimh lâk ving lah.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 63:10

sikhawmsele a lakah an hel le, a ngaih an siatir. Churawhchun, LALPA chu an mêlma ah â chang le, a do na rawh.

MATHAI 1:18

Chun, Jisu, Mesia a hawng suak zia chu hi hâwi asi: A nu Mari chu Josef hen anna halh liauah, anna tawng lânah, Thlarau Thenhlimh nih a râitir ti a hawng theih rawh.

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MATHAI 3:11

Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MARK 12:36

David tak nih Thlarau Thenhlimh hen, ‘LALPA nih chun ka Lalpa sinah, na mêlma tla na kê sirhsanh ah ka siam lânlo chu ka vawrhlei ah to rawh,’ a ti.

MARK 13:11

Chun, an ruai na hen, an tleihtir na tikah chun, ‘Zeime ka sim lai,’ ti hen, a dawnkan lah u; a tik takah chun a nan theihtir na mi zawng; chu tak chu sim u; a simtu chu nanmah nan si awt lo le, Thlarau Thenhlimh asi dauh awt.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 1:41

Chun, hi hâwi hi asi le, Elizabet nih Mari chibai bûk chu a theih kâ hen a paw sungah mi nautê chu a châng le, chun Elizabet chu Thlarau Thenhlimh hen a khat rawh.

LUK 1:67

Chun, a pa Zekaria chu Thlarau Thenhlimh hen a khat le, a simkanh le:

LUK 11:13

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun amah deihtu tla chu Thlarau Thenhlimh a pêk tam khun lai!” a ti.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

LUK 24:49

Chun, ka Pa thil tiamh chu nan tlûnah ka hawng fial awt; sikhawmsele, tlûn leiah mi thiltikhonâk hen thuamh nan si lânlo chu khuapi ah hin um kumza u,” a ti.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

JOHAN 1:33

Amah chu ka theih lo le, sikhawmsele, tî hen baptis ding hen hawng ka fialtu nih khan ka sinah, ‘Âu tlûn zawng ah Thlarau hawng ṭum hen, a tlûnah um ko na muh mi chu, amah chu Thlarau Thenhlimh hen baptistu ding chu asi,’ hawng ka ti.

JOHAN 12:16

Chubang chu a tîr chun a ṭhiruai tla nih an theih lo le; sikhawmsele, Jisu chawnglawmh hen a um nûnah chun a thâwngthâng lakah chubang thu chu rîn asi ti leh a tlûnah chubang thil chu an hawng ti asi ti an hawng theih rawh.

JOHAN 14:16

Chun, Pa ka deih lai le, anih nih chun ṭangpitu dang a nan pêk na lai, zungzâl hen nan sinah um ding hen;

JOHAN 14:25

“Nan sinah ka um sung hin, hi bang thu hi ka nan simh na hi.

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

JOHAN 16:7

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai.

JOHAN 2:22

Churuangah, mithi lakah mi a thawknawlh liauah hi hi a sim ti a ṭhiruai tla nih an theih nawlh rawh le; chun, Pathian lasui thu leh Jisu thusim chu an lung rawh.

JOHAN 20:22

Chun, chubang thu chu a sim thluh ah chun an tlûnah a thâw a suah le, an sinah, “Thlarau Thenhlimh nei u.

JOHAN 6:45

Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

THILTI 1:2

Thlarau Thenhlimh hen a mifial tla sinah thu a pêk thluh nûnah vân ah kâi hen a um ni tiang thu kha.

THILTI 1:4

Chun, anna pûm mi tla a kawmh na, “Jerusalem kaltâk lah u, Pa thutiam ka sim mi nan theih mi kha hawng ngâk u,” a ti thlir.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 11:16

Chun, Lalpa thu, ‘Johan nih tî hen mi a baptis tâwn kha; sikhawmsele, nannih lam chu Thlarau Thenhlimh hen baptis nan si lai,’ a ti zia kha ka hawng theih nawlh rawh.

THILTI 13:2

Chun, Lalpa rian an ṭuan le, buh an ngei liauah Thlarau Thenhlimh nih Barnaba leh Sawl hi anmah ka ruat na mi rianṭuan ding hen hawng ka thlei piak u,” a ti.

THILTI 13:4

Chun, Thlarau Thenhlimh fial hen an kal le, Selukia khua ah an ṭum le, chu thawk hen Kupra tikulh ah lawng hen an kal.

THILTI 15:28

Thlarau Thenhlimh leh kannih nih hi bang thu herh lo hi ritphurh nan tlûnah thâng lo sele ṭha kan ti.

THILTI 15:8

Chun, mi thinlung theihtu Pathian nih kanmah a hawng kan pêk hâwi ber khan Thlarau Thenhlimh an sinah pêk bâk hen an lakah â lâwm ti a theihtir.

THILTI 16:6

Chun, Thlarau Thenhlimh nih Asia ram ah thusim a khap ruangah Phrugia leh Galatia ram chu a ṭawl rawh.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

THILTI 28:25

Chun, anna remlo rawh le, Pawl nih thu kâ khat a sim thluh ah chun an suak rawh. A thusim chu hi hi asi: “Thlaraau Thenhlimh nih khuavâng Isai kâ ah nan thlâktu tla sinah a sim mi kha a dik thlo asi.

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

THILTI 7:55

Sikhawmsele, anih chu Thlarau Thenhlimh hen khat asi le, vân lei a zauh thlir le, Pathian rokual zia leh Pathian vawrhlei ah Jisu a dîr mi a muh.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 5:5

Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

1 KORIN 12:3

Churuangah, âukhawm nih Pathian Thlarau ah thusim hen, “Jisu chu siat phurh asi,” an ti dahlo; chun âukhawm nih Thlarau Thenhlimh ah cho lo chun “Jisu chu Lalpa asi,” an ti kho dahlo ti ka nan theihtir na.

1 KORIN 6:19

Asi chun, nan taksa chu nan sungah um Pathian sinah mi nan tawng mi Thlarau Thenhlimh in asi ti nan theih lo masi? Mah tâ khawm nan si lo le, man hen châwk nan si rawh asi.

2 KORIN 13:14

Lalpa Jisu Krist zângfahnâk leh Pathian zângfahnâk leh Thlarau Thenhlimh kawmhnâk chu nan ektê sinah um seh.

2 KORIN 6:6

thenhlimhnâk ah, theihnâk ah, dawnhkhonâk ah, vêlneihnâk ah, Thlarau Thenhlimh ah, dâwtnâk ah,

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

2 TIMOTHE 1:14

Thil ṭha na sinah kiltir hen um mi kha kan sungah Thlarau Thenhlimh um mi hen ṭha dek hen kil.

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

HEBRAI 10:15

Chun, Thlarau Thenhlimh khawm nih hawng kan theihtir fâwn.

HEBRAI 2:4

Pathian khawm nih singsiahnâk tla leh thilchê tla leh thiltikhonâk zeizawng theihpi na hen, amah duhzia hen Thlarau Thenhlimh thilpêk tla chu a ṭhen tâwn.

HEBRAI 3:7

Chun, Thlarau Thenhlimh nih, “Tusûn hin a aw-hâu nan theih chun,

HEBRAI 9:8

Thlarau Thenhlimh nih hi hi a theihtir le, sawnhnâk puanin tawngtir mi a um kar vial chu Mun Thenhlimh Chem ah lûtnâk lampi chu a lang lo rih, ti hi.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

2 PETER 1:21

Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.

1 JOHAN 2:20

Sikhawmsele, nannih lam chu Krist nih Thlarau Thenhlimh an tawih na ruangah, nan ektê hen thudik nan theih asi.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

1 JOHAN 5:7

Theihpitu chu pathum an um,

JUD 1:20

Sikhawmsele, ka unau duhtak le tla, nan lungnâk thenhlimh ah chun mah leh mah a dirh hen um ule, Thlarau Thenhlimh thiltikhonâk hen um u.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.