JOHAN 14:23 - Bawm Common Language Bible Version

²³ Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

JOHAN 14:23 ပူးပေါင်းရင်းမြစ်များ

GENESIS 1:26

Chun, Pathian nih, “Tuah kanmah bang cho hen minung tla kan siam lai; kanmah bang leh kanmah hâwi hen. Ngâ leh vâ tla, ran zawzawng vulh mi leh ramsa, a lian a mê tlûnah thunei na seh,” a ti.

GENESIS 11:7

Kan va ṭum lai le, anna pêm lonâk ding hen an hawlh tla kan chawmh piak na lai,” a ti.

SAM 90:1

LALPA, nang chu kan in na si kumza.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

JOHAN 10:30

Kei leh Pa chu pumkhat kan si,” ti hen a sâng.

JOHAN 14:15

“Nannih nih nan ka dâwt chun, ka thupêk tla nan zâwt lai.

JOHAN 14:17

chu chu Thlarau, Pathian thutak phuangtu asi; laikulh nih anih chu an nei kho lo, amah an muh lo hen an theih lo ruangah; nannih nih anih chu nan theih, nan sinah a um kumza ruangah; chun nanmah lakah a um awt asi.

JOHAN 14:21

“Âuzawng ka thupêk tla theih hen zâwt mi chu hawng ka dâwttu asi; âuzawng hawng ka dâwttu chu ka Pa nih a dâwt lai, kei khawm nih anih chu ka dâwt lai le, a sinah kâ langh lai,” a ti.

JOHAN 14:24

Âuzawng a ka dâwt lo mi nih chun ka thu a zâwt lo; thu nan theih mi hi ka tâ asi lo, Pa hawng ka fialtu tâ asi dauh.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 16:27

Pa ngelchel nih a nan dâwt na; nannih nih kei nan hawng ka dâwt le, Pa thawk hen suak kasi ti nan hawng ka lung ruangah.

JOHAN 6:56

Âuzawng ka taksa ei hen ka thisen dintu chu, keimah lakah a um kumza tâwn, kei khawm amah lakah ka um kumza tâwn.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:52

Juda tla nih a sinah, “Khuri nei na si ti tu ah kan nan theih rawh. Abraham a thi rawh, khuavâng tla hen, nangnih, ‘Mi nih ka thu a zâwt chun a thi rerêng lai loh,’ na ti.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

1 JOHAN 2:24

Thuchah a tîr thawk hen nan theih rawh mi kha nan thinlung ah kil thlir u. Chu hâwi hen nan thinlung ah nan kil thlir chun Pa leh Fapa hen nanna tlâi kumza lai.

1 JOHAN 2:5

Âuzawng a thu zâwttu chu amah lakah chun Pathian zângfahnâk a rangtling tatak rawh asi.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:3

Pathian kan zângfahnâk chu hi hi asi, a thupêk tla kan zûl mi hi. A thupêk tla chu kan rangah a har lo.

2 JOHAN 1:6

Pathian thupêk hâwitê kan um ding mi chu asi, zângfahnâk ka ti mi chu. Thupêk a tîr thawk hen nan theih rawh mi chu hi hi asi, zângfahnâk ah nan um ding mi chu asi.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.