JOHAN 14:20 - Bawm Common Language Bible Version

²⁰ Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 14:20 ပူးပေါင်းရင်းမြစ်များ

JOHAN 10:38

Sikhawmsele, ṭuan kasi chun, kei hawng ka lunglo khawm ule, rianṭuan tla hi lung u; Pa keimah lakah a um ti leh kei Pa lakah ka um ti nan theih hen leh nan theihthiam khonâk ding hen,” a ti le, a sâng.

JOHAN 14:10

Kei Pa lakah ka um leh Pa keimah lakah a um ti na lung lo ma? Nan sinah thu ka sim mi hi, keimah phuak sawm hen ka sim lo; Pa keimah lakah a um kumza le, a thil a ti dauh tâwn asi.

JOHAN 14:11

Kei Pa lakah ka um leh Pa keimah lakah a um ti hawng ka lung u; asi lo leh, thilti ruang tal hen hawng ka lung u.

JOHAN 16:23

“Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

JOHAN 16:26

Chu ni ah chun keimah min hen nan deih lai; chun: ‘Pa sinah kei nih ka nan ngiar piak na lai,’ ka nan ti na lo.

JOHAN 17:11

Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 17:7

Nangnih thil na ka pêk mi zawzawng, na sinah thawk hen suak asi ti an theih rawh.

JOHAN 6:56

Âuzawng ka taksa ei hen ka thisen dintu chu, keimah lakah a um kumza tâwn, kei khawm amah lakah ka um kumza tâwn.

ROM 16:7

Ka hâwi Juda mi, Andronika, leh Junia, ka rêngtlâpi tla kha chibai hawng ka bûk piak u; annih chu mifial tla lakah minthang tak an si le, ka ruangrûl ah Krist lakah um masa dauh an si.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

2 KORIN 12:2

Kristian mi pakhat âumawh ka theih le, kum leili asi rawh, vân sâng chem ah khin lâk hen a um (hi hi a hawng um tak ma, asi lo leh, muhtirnâk ma a nei ka theih lo, Pathian cho nih a theih.)

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 5:19

kha hâwi hen Pathian nih Krist lakah laikulh hi amah hen a rem hen a siam le, an buarnâk tla chu buarnâk ah ruat piak lo hen a remnâk thu hawng kan kiltir kha.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

KOLOSA 1:19

Pathian rangtlingnâk kip chu amah Fapa lakah a um kumza le, a kraws thisen nih chun remnâk siam hen, amah lakah chun zeizawng amah hen remtir hi, Pathian lungsi kâng tak asi; amah lakah chun tual ah thil um tla khawm, vân a thil um tla khawm amah hen remtir hi.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 2:9

Amah lakah chun Pathian rangtlingnâk zeizawng chu taksa nei hen a um kumza.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.