JOHAN 14:2 - Bawm Common Language Bible Version

² Ka Pa in ah umnâk tam tak a um le; nan rangah mun siam hen ka kal awt hi. Chu hâwi hen um lah sele, ka nan simh na lai lo mazei?

JOHAN 14:2 ပူးပေါင်းရင်းမြစ်များ

LUK 14:22

Chun, to-aw nih chun, ‘Pu, thu na ka pêk mi hâwi khan ka ti le, sikhawmsele, mun a lâwng nget rih,’ a ti.

JOHAN 13:33

Nau le tla, sâwtlotê nan sinah ka um rih. Nannih nih nan hawng ka hâwl lai; chun, Juda tla sinah, ‘Ka kalnâk ding ah nan hawng kal kho lai lo,’ ti hen ka sim hâwi khan tu ah chu hâwitê hen nan sinah, ka sim hi.

JOHAN 13:36

Simon Peter nih a sinah, “Lalpa, a zeiah na kal awt?” a ti. Jisu nih, “Ka kalnâk ding ah, tu ah na hawng ka zûl kho lai loh; hi nûn lam chun na hawng ka zûl lai,” a ti le, a sâng.

JOHAN 14:28

‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

JOHAN 16:4

Hi bang thu hi nan sinah ka sim rawh hi, a tik chu a hawng tlung tikah, kan simh na rawh ti nan theih khonâk ding hen. “Chubang thil chu a tîr thawk hen kan simh na lo, nan sinah ka um rih ruangah.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

2 KORIN 5:1

Kan umnâk in- hi tual ah mi kan taksa hi siat khawmsele, vân ah, in kut hen sak lo mi, zungzâl um ding mi, Pathian sinah mi in bir chu kan nei ti kan theih.

1 THESALONIKA 5:9

Pathian nih thinrunhnâk tuar ding silo hen kan Lalpa Jisu Krist zârah ruangsuahnâk tawng ding hen hawng kan ruat mi asi dauh ruangah;

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 11:10

Khuapi lungphûm nei mi, Pathian timhtuah leh siam mi chu Abraham nih a ngâk kumza dangâiah.

HEBRAI 13:14

Hi tual ah hin khua mun bir kan nei loh, khuapi a hawng um ding mi chu kan chuanh dauh asi.

HEBRAI 6:20

Chunah chun Jisu chu Melkizedek hâwi hen, zungzâl bâwlpu lalchem si rawh hen, kan ruangrûl ah mâitâwntu ah a lût rawh.

HEBRAI 9:8

Thlarau Thenhlimh nih hi hi a theihtir le, sawnhnâk puanin tawngtir mi a um kar vial chu Mun Thenhlimh Chem ah lûtnâk lampi chu a lang lo rih, ti hi.

THUPHUANG 21:2

Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.