JOHAN 14:13 - Bawm Common Language Bible Version

¹³ Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

JOHAN 14:13 ပူးပေါင်းရင်းမြစ်များ

MATHAI 21:22

Chun, zeizawng lung bû hen nan deih mi zawng chu nan tawng lai,” a ti le, a sâng.

MATHAI 7:7

“Deih u, chun a nan pêk na lai; hâwl u, chun nan tawng lai; kik u, chun a nan awng piak na lai.

MARK 11:24

Churuangah ka nan ti na, zeizawng thla nan cham hen nan deih mi zawng chu tawng rawh hen a ruat ule, chun nan tawng lai.

LUK 11:9

“Chuvachun, ka nan ti na, deih u, chun an pêk na lai; hâwl u, chun nan tawng lai; kik u, chun an awng piak na lai.

JOHAN 10:30

Kei leh Pa chu pumkhat kan si,” ti hen a sâng.

JOHAN 12:44

Chun, Jisu a âu le, “Âuzawng hawng ka zumhtu chu kei hawng ka zumh asi lo, hawng ka fialtu zumh asi dauh.

JOHAN 13:31

Chuvachun, a kal nûnah Jisu nih a sim le, “Tu ah chun Minung Fapa chawnglawmh hen a um rawh, amah ruangah Pathian khawm chawnglawmh hen a um asi.

JOHAN 14:14

Nannih nih ka min hen zei thil tal nan ka deih chun, chu chu ka ti vima lai.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 15:7

Nannih keimah lakah nan um kumza hen, ka thu nanmah lakah a um kumza chun, nan duh mi zawng deih u, nan rangah ti hen a um vima lai.

JOHAN 16:23

“Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

JOHAN 16:26

Chu ni ah chun keimah min hen nan deih lai; chun: ‘Pa sinah kei nih ka nan ngiar piak na lai,’ ka nan ti na lo.

JOHAN 16:7

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

1 KORIN 14:13

Churuangah hawlh theihlo a thusim nih chun a simhfiang khonâk ding hen thlacham seh.

EPHESI 2:18

Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

EPHESI 3:12

Krist Jisu kan lung ruangah chun amah lak berah ngamhnâk leh râlṭhatnâk ṭha tak a lût khonâk kan nei.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.

PHILIPI 4:13

Krist hawng ka chaktirtu ah chun zeizawng ka ti kho asi.

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 JOHAN 3:22

Chun, a thupêk tla kan zûl le, a mitmuh ah thil lawmhkâi kan ti tâwn ruangah, kan ngiar mi zawng kan tawng tâwn.

1 JOHAN 5:14

Hi hi Pathian lakah kan râlṭhatnâk chu asi, zeizawng amah duhzia hâwi hen kan deih chun anih nih a hawng kan ngâi piak lai ti kan theih.