JOHAN 14:10 - Bawm Common Language Bible Version

¹⁰ Kei Pa lakah ka um leh Pa keimah lakah a um ti na lung lo ma? Nan sinah thu ka sim mi hi, keimah phuak sawm hen ka sim lo; Pa keimah lakah a um kumza le, a thil a ti dauh tâwn asi.

JOHAN 14:10 ပူးပေါင်းရင်းမြစ်များ

JOHAN 10:30

Kei leh Pa chu pumkhat kan si,” ti hen a sâng.

JOHAN 10:38

Sikhawmsele, ṭuan kasi chun, kei hawng ka lunglo khawm ule, rianṭuan tla hi lung u; Pa keimah lakah a um ti leh kei Pa lakah ka um ti nan theih hen leh nan theihthiam khonâk ding hen,” a ti le, a sâng.

JOHAN 11:26

a nung mi zawng nih hawng ka zumhtu chu an thi rîlmâl lai loh; chu thu chu na lung ma?” a ti.

JOHAN 12:49

Keimah phuak sawm hen ka sim lo; Pa hawng ka fialtu nih ka sim ding leh ka ruat ding hi, thu hawng ka pêk dauh asi.

JOHAN 14:11

Kei Pa lakah ka um leh Pa keimah lakah a um ti hawng ka lung u; asi lo leh, thilti ruang tal hen hawng ka lung u.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 14:24

Âuzawng a ka dâwt lo mi nih chun ka thu a zâwt lo; thu nan theih mi hi ka tâ asi lo, Pa hawng ka fialtu tâ asi dauh.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 5:17

Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 7:16

Chun, Jisu nih annih chu a sâng le, “Ka thu sîntir hi ka tâ asi lo le, hawng ka fialtu tâ asi dauh;

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

JOHAN 8:38

Kei nih ka Pa sinah thil ka muh mi chu ka sim tâwn; nannih khawm nih nan pa sinah thil nan theih mi chu nan ti tâwn,” a ti.

JOHAN 8:40

Sikhawmsele, tu ah thah nan ka tum. Pathian sinah thutak ka theih mi, an simh natu kasi; Abraham nih chun hi hâwi hen a ti lo.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

2 KORIN 5:19

kha hâwi hen Pathian nih Krist lakah laikulh hi amah hen a rem hen a siam le, an buarnâk tla chu buarnâk ah ruat piak lo hen a remnâk thu hawng kan kiltir kha.

KOLOSA 1:19

Pathian rangtlingnâk kip chu amah Fapa lakah a um kumza le, a kraws thisen nih chun remnâk siam hen, amah lakah chun zeizawng amah hen remtir hi, Pathian lungsi kâng tak asi; amah lakah chun tual ah thil um tla khawm, vân a thil um tla khawm amah hen remtir hi.

KOLOSA 2:9

Amah lakah chun Pathian rangtlingnâk zeizawng chu taksa nei hen a um kumza.

1 JOHAN 5:7

Theihpitu chu pathum an um,